影片
更多
2019-02-13
146 浏览
識我既人都知道我喜愛嘗試新事物，特別係喺食方面，基本上每逢有新既餐廳朋友試過覺得好食，都會向我推介，正正係因為咁，我先可以搵到咁多間好野食，而呢間日式餐廳亦都唔例外。餐廳位於尖沙咀，位置方便，來到門口，好難唔察覺，因為佢既門面裝潢，實在非常吸睛。門外以石紋設計，帶出一種高級居酒屋的味道。店舖唔算大，有數張方枱加少少既吧枱，大約7時到達已經座無虛席，要確保來到有位坐還是先行預定會比較穩陣。餐牌都幾大本，基本上唸得出既菜式都可以喺呢本餐本找到，而且價錢唔貴，十分親民。另外亦都有一張時令海產刺身之選，裡面會有最新鮮既廚師推介。芥辣八爪魚 $68八爪魚加佐紫菜同埋wasabi，辣嶃地夠哂刺激得黎好好味。真鯛 $320真鯛魚薄切，食落比較淋身，魚味都幾濃，帶有鮮甜感，配埋薑蓉蘿蔔蓉。多款刺身刺身我地就揀佐大拖羅，北寄貝，牡丹蝦，同埋魷魚。每一款都好新鮮，同喺日本魚市場食到既差唔多，牡丹蝦食落清甜夠哂 Juicy，而最令人回味既一家首選大拖羅，食落口感一流，而拖羅中既根咬落每一口都有多一份層次感，多一份滋味感，食落真係充滿幸福感。雞泡魚乾 $68即叫即燒，用既汁量控制得好好，唔會太乾，帶少少蜜糖甜
餐廳位於尖沙咀，位置方便，來到門口，好難唔察覺，因為佢既門面裝潢，實在非常吸睛。
門外以石紋設計，帶出一種高級居酒屋的味道。
店舖唔算大，有數張方枱加少少既吧枱，大約7時到達已經座無虛席，要確保來到有位坐還是先行預定會比較穩陣。
餐牌都幾大本，基本上唸得出既菜式都可以喺呢本餐本找到，而且價錢唔貴，十分親民。
另外亦都有一張時令海產刺身之選，裡面會有最新鮮既廚師推介。
芥辣八爪魚 $68
八爪魚加佐紫菜同埋wasabi，辣嶃地夠哂刺激得黎好好味。
真鯛 $320
真鯛魚薄切，食落比較淋身，魚味都幾濃，帶有鮮甜感，配埋薑蓉蘿蔔蓉。
多款刺身
刺身我地就揀佐大拖羅，北寄貝，牡丹蝦，同埋魷魚。
每一款都好新鮮，同喺日本魚市場食到既差唔多，牡丹蝦食落清甜夠哂 Juicy，而最令人回味既一家首選大拖羅，食落口感一流，而拖羅中既根咬落每一口都有多一份層次感，多一份滋味感，食落真係充滿幸福感。
雞泡魚乾 $68
即叫即燒，用既汁量控制得好好，唔會太乾，帶少少蜜糖甜香，加埋沙律醬，好好味。
芝麻雞翼 $19/串
同樣地，都係即叫即燒，雞皮燒得香脆，裡面既肉汁仍然鎖住得以保留，好好味。
雞軟骨串 $21/串
雞軟骨食落爽彈，呢個時候真係好想加多一杯啤酒，可惜是日要揸車，只能以茶代酒。
牛舌串 $34/串
即燒牛舌串好厚物，食落啖啖肉，呢個價錢絕對抵食。
稻庭烏冬 $68
最後既主食我地點佐稻庭烏冬，清清地，因為其他既肉類都已經可以喺串燒或者小食Order到，所以呢個烏冬加有少少蔬菜同埋菇類實在非常恰當。
日式餐廳，香港實有不少選擇，而帶有日本本土風味而又唔貴既餐廳，其實不多，而呢間，正正就滿足到我既要求，值得推介。
张贴
