田中寿司 (已結業)

上次經過已經想試呢間，今日經過咁啱見到有個二人套餐幾抵食就即刻入咗去😎田中血合:幾特別嘅吞拿魚味，配埋d葱同姜絲好開胃，不過怕腥味嘅朋友可能未必咁啱。胡麻豆腐沙律：胡麻醬好香，份量好夠，啲菜都好鮮甜，好快就清晒👍日替串燒：入邊有秋葵，雞肉配大葱，雞軟骨同埋燒冬菇❤️ 秋葵有一層煙燻味既豚肉包住，熱辣辣脆卜卜，食落去又有秋葵味解膩，balance得好好！雞肉串燒入口咬落去皮脆肉嫩，好好入味好juicy，大蔥燒得岩岩好，雞軟骨辣辣地好惹味，可以再encore！壽司拼盤：大拖羅非常肥美非常好食，是日mvp😍👍 同壽司飯完美咁二合為一，絕對唔會夾開就散。擁有豐富油脂嘅大拖羅最啱就係配埋大量鮮磨既Wasabi，中拖羅同赤身都好新鮮👍👍👍元視唐揚吞拿魚： 嗰粉唔會太厚，肉都算Juicy。海膽海鮮蒸蛋：好滑好夠味仲有蜆肉係入面，海膽好鮮甜連埋啲蟹子一齊食爆汁正呀🤤最後再配一碗稻庭烏冬同一個紅豆鯛魚燒，非常滿足嘅一餐飯👍