影片
更多
2022-07-31
498 浏览
【Background】自從係東涌食過「Banchan and Cook」後一直都念念不忘🙊 終於等到佢係屯門開分店，急不及待地立馬衝過黎🤣.裝修沿用佢地獨有嘅韓式文青風格，擁有多個打卡位，仲有特設嘅卡位，空間感十足之餘，頗有私隱度呢！────────────────────【牛肝菌蛋包飯 $102】蛋包飯係「Banchan and Cook」嘅Signature Dish。金黃色嘅蛋包，脹卜卜的好可愛🥰店員輕輕地用餐刀喺蛋包嘅中間切開，嫩滑而流心嘅蛋漿瞬間覆蓋住底下嘅珍珠米飯，入口濕潤柔滑，蛋香味十足，配合住牛肝菌醬食，滿有層次感呢～.【炸芝士豬扒忌廉年糕 $105】韓式年糕比較厚身，口感更煙韌帶嚼勁，粒粒年糕沾滿忌廉醬汁， creamy得黎，忌廉濃香味突出，而炸豬扒入口酥脆加上中間嘅流心芝士，一脆一軟嘅組合，好match🥳.【玫瑰醬炸雞/有骨/半份 $108】韓式炸雞亦係必點之一，外脆內嫩嘅炸雞，再沾上玫瑰醬，有種蛋黃醬般既「沙沙」口感又帶點玫瑰嘅清香，底下仲有韓式長年糕同炸粗薯條添，值得推介呀😈.【海鮮煎蔥餅 $89】勁多料嘅煎蔥餅🤣蔥餅兩面煎至香脆，粉漿不會過多，每啖都食到蔥粒
自從係東涌食過「Banchan and Cook」後一直都念念不忘🙊 終於等到佢係屯門開分店，急不及待地立馬衝過黎🤣
.
裝修沿用佢地獨有嘅韓式文青風格，擁有多個打卡位，仲有特設嘅卡位，空間感十足之餘，頗有私隱度呢！
────────────────────
【牛肝菌蛋包飯 $102】
蛋包飯係「Banchan and Cook」嘅Signature Dish。金黃色嘅蛋包，脹卜卜的好可愛🥰店員輕輕地用餐刀喺蛋包嘅中間切開，嫩滑而流心嘅蛋漿瞬間覆蓋住底下嘅珍珠米飯，入口濕潤柔滑，蛋香味十足，配合住牛肝菌醬食，滿有層次感呢～
.
【炸芝士豬扒忌廉年糕 $105】
韓式年糕比較厚身，口感更煙韌帶嚼勁，粒粒年糕沾滿忌廉醬汁， creamy得黎，忌廉濃香味突出，而炸豬扒入口酥脆加上中間嘅流心芝士，一脆一軟嘅組合，好match🥳
.
【玫瑰醬炸雞/有骨/半份 $108】
韓式炸雞亦係必點之一，外脆內嫩嘅炸雞，再沾上玫瑰醬，有種蛋黃醬般既「沙沙」口感又帶點玫瑰嘅清香，底下仲有韓式長年糕同炸粗薯條添，值得推介呀😈
.
【海鮮煎蔥餅 $89】
勁多料嘅煎蔥餅🤣蔥餅兩面煎至香脆，粉漿不會過多，每啖都食到蔥粒及魷魚粒，口感好豐富😍，再沾上特製嘅海鮮醬汁調味，增添微微香辣，令鮮味更突出😎
.
【韓式雜莓牛角包窩夫 $72】
窩夫係即叫即製的，記得需預留時間order 哦～窩夫口感鬆脆再濃厚牛油香，灑上糖霜及玉桂粉，仲有草莓粒，藍莓及野莓嘅加持，果香味可以balance到甜膩感，好Match呢😘
.
【盛夏冰爽西瓜檸檬梳打 $48】
喺咁熱嘅天氣之下飲一杯西瓜檸檬梳打，成個人即刻爽晒😂檸檬嘅微酸加上西瓜嘅清甜，底下仲有粒粒西瓜肉架😆
.
【焦糖脆脆鮮奶咖啡 $48】
入口香滑，奶香味濃厚，帶上微微嘅焦糖甜，好Rich😍
张贴
