天后串燒餐廳

营业中

休息中

之前食過呢間餐廳嘅午市同晚市定食，覺得普普通通，適逢情人節兼行年宵市場高峰期，周圍啲餐廳都好多人排隊，呢間相對少人等，未食過呢間啲串燒，諗住hea食，點知有驚喜！最好食係厚切牛脷，要encore多次，五花腩、雞腎同雞軟骨普通，煙肉車厘茄有爆汁效果，金菇肥牛卷普通，蔬菜類嘅雞髀菇、洋蔥同韮菜都好好食好juicy，甜品類夾餅棉花糖有驚喜！半溶嘅棉花糖好正，略為甜左少少，鴛鴦湯丸係芝麻同花生餡，個樣好似墨魚丸，無乜特別，焦糖菠蘿都好正，表面層焦糖燒到脆脆地好好食。魷魚鬚同芝麻雞翼好香脆，枝豆無乜特別。