至尊滿屋日本料理 (已結業)

又同朋友去食放題,今次試左旺角瓊華既至尊滿屋,因為閑日即興放工過去walk in都有位呢度環境都ok,我地坐梳化位所以都幾舒服,座位都算多! 放題中,呢間真係食過中最多款式飲品,刺身,壽司,手卷,蟹粥,天婦羅,串燒,甜品都有,我地幾個掛住食掛住傾,所以都影得好少食物既相飲品好多種類同款式,紙包,罐裝,樽裝,韓國飲品,啤酒都有,反而甜品款式少d,但真係唔係間間有我地都叫左少少試下,芝士餅,朱古力cake,奶凍......都不過不失嫁甜品中最正就緊係好好味!又出名既瑞士雪糕movenpick,每人只限一杯,有朱古力味,溫呢拿味,士多啤梨味同意大利奶凍味嫁!至於刺身方面,種類最少都有10種以上,三文魚,北寄貝,帶子,希靈魚必備,估唔到仲有大赤蝦,食落好肥美同鮮! 壽司款式都好多,除左魚生壽司外,食左幾款火灸類壽司,都幾好食! 熟食中牛油粟米,送到枱上仲熱辣辣,牛油份量適中,甜甜地都好好味呀! 另外值得一讚焗廣島蠔,配唔會過份多,芝士份量岩岩好,食落好香芝士味,好好食! 小食中既天婦羅,一定要食,款式多次餘,炸粉薄,即叫即炸,特別好食,試左南瓜,蕃薯好甜好味!總括呢度,無論環境,食物質數,價錢