煌苑

营业中

休息中

星期六日同屋企人飲茶搵位係最麻煩嘅事，我住嘅附近又無乜茶樓，幾個月前有人介紹去馬鐵石門站開咗新商業大厦中有d新茶樓唔錯。大門同酒樓內嘅裝修主色係我鐘意嘅蘋果綠色，樓底高，又無乜柱，成個大堂好闊大。食物種類都唔少，仲有而家唔少得每家酒樓都有特式點心，呢度有紅蘿蔔外形嘅蘿蔔絲酥，香菇飽……等等，傳統點心及炒飯麵都做得唔錯，價錢合理。最值得講嘅係佢地有個空中花園，有小型遊樂場，有唔少嘅映相位及花園千秋，仲有一部份係俾證婚用嘅，當日我地去到好天氣，映出來嘅相都好靚呀。又有得玩有得食嘅地方，最適合一家大細週末相聚。