立鮨 (金馬倫廣場)

营业中

休息中

立鮨開了咁多年都未食過，因為立食真係唔係好啱我🤭依加裝修過已經有櫈坐，不用企係度食，仲唔即刻去食咩🤣用QR code點餐都好方便太多選擇，午市價錢都幾抵，我點咗［立鮨人氣盛盒］$88盛盒有7件壽司🍣仲有附送湯同沙律添另外散點叫咗最鐘意鰻魚手卷，碎葱吞拿魚手卷🥰想讚一讚依度手卷既食材係食到尾都仲有😋唔似出面食開剩係得個頭有，尾全部飯。另外個海膽手卷味道好鮮又唔腥。另外叫咗火炙松葉蟹腳，火炙牛油帶子海苔壽司，火炙牛油赤蝦海苔壽司，火炙大吞拿魚腩海苔壽司，3個海苔壽司上枱賣相幾特別，用木座盛住，大大件，本身飯都好夠味，不用點豉油都好好食。咁多野食都係三百幾蚊都幾抵食😋今次去尖沙咀分店，下次去其他分店再食過。