當下 (翠怡花園) (已結業)

呢日屋企無煮飯，收工一於約男朋友係青衣附近食晚飯。食厭咗青衣城又貴又普通嘅連所餐廳，今日就嚟咗翠怡花園地鋪嘅一間西餐廳試試💕其實之前成日搭小巴經過見到個門面招牌幾靚都想試好耐架啦🤣呢度嘅價錢好親民，飯麵類1人餐最平$88已經有交易、扒類主菜$138up！今次我哋就簡咗2人餐，$368就已經包晒餐湯+沙律+小食+飯麵+主菜+甜品+飲品😍超級豐富呀！🔸餐湯、沙律餐湯係粟米忌廉湯，唔會太咸，飲完唔口渴，沙律好大碟，份量多到似主菜🤣🔸瑞士雞翼都幾入味，唔會煮得過老！🔸忌廉汁青口意大利飯幾大份，意大利飯煮得好軟熟仲夾雜住啲肉絲😋青口有6大隻！隻隻都好飽滿有水份！🔸澳洲肉眼牛扒叫咗5成熟，啱啱好！食落肉質鮮嫩有肉汁！薯菜都好正！啱啱炸起嘅薯角沾埋茄汁食真係無得輸👍🏻最後嚟埋2杯雪糕做飯後甜品！用咗個幾懷舊feel嘅雪糕杯裝住都幾有心思💕著重細節嘅人應該都會係呢個位加分！雪糕球底下仲有忌廉配搭！食落更加滿足🥳成餐飯又有前菜又有扒食又有甜品都係做緊呢個價，近近哋咁方便！下次都會再嚟試埋其他款式💕