影片
更多
2023-04-09
59 浏览
《牛魔 - 尖沙咀》小妹一向都好鍾意食燒肉串燒呢類咁惹味邪惡既菜式🤭一來唔洗諗太多，食材好燒到熟就可以食得😏所以日燒一直都係我既comfort food啦😋前幾日想轉下口味，同個同事去左尖沙咀一間食韓日燒烤既餐廳食飯，我地被安排坐喺吧枱位置，坐得幾舒服，整體感覺唔錯，可以望住廚房整理食材，除此仲有一堆我地以為係餐廳養既小蟹仔陪食飯(後來發現原來佢地將會係食物🥲poor)💁🏻♀️揚櫻花蝦豆腐前菜我地叫左三款，第一款係唐揚櫻花蝦豆腐，我見呢道菜式都幾多人叫，同埋網上推介佢既人都幾多，果然賣相靚得黎又幾好味咼😉豆腐雖然浸住左喺醬汁入面，但出面個炸皮都仲係脆脆架，上面櫻花蝦都巨多，啖啖都食到櫻花蝦既鮮味💁🏻♀️櫻花蝦餃子又係櫻花蝦既菜式，今次係櫻花蝦餃子呢 🥟餃子入面既饀料有椰菜同肉碎既味道，咬落juicy爆汁，出面沈滿咗大量櫻花蝦，同樣有滿滿既鮮味👍🏻💁🏻♀️蘋果木煙燻松露和牛他他三樣前菜我最喜歡呢一道💙平時食韓國菜，我例牌都會點牛肉他他呢一道菜😋超喜歡佢蛋黃mix埋爽脆雪梨後夾住生牛肉果種軟滑同多重口感，呢度既仲多左陣蘋果木既煙燻味，都幾特別同幾香架💁🏻♀️全天然豚肉五花腩 跟生菜到左燒肉
小妹一向都好鍾意食燒肉串燒呢類咁惹味邪惡既菜式🤭一來唔洗諗太多，食材好燒到熟就可以食得😏所以日燒一直都係我既comfort food啦😋前幾日想轉下口味，同個同事去左尖沙咀一間食韓日燒烤既餐廳食飯，我地被安排坐喺吧枱位置，坐得幾舒服，整體感覺唔錯，可以望住廚房整理食材，除此仲有一堆我地以為係餐廳養既小蟹仔陪食飯(後來發現原來佢地將會係食物🥲poor)
💁🏻♀️揚櫻花蝦豆腐
前菜我地叫左三款，第一款係唐揚櫻花蝦豆腐，我見呢道菜式都幾多人叫，同埋網上推介佢既人都幾多，果然賣相靚得黎又幾好味咼😉豆腐雖然浸住左喺醬汁入面，但出面個炸皮都仲係脆脆架，上面櫻花蝦都巨多，啖啖都食到櫻花蝦既鮮味💁🏻♀️櫻花蝦餃子
又係櫻花蝦既菜式，今次係櫻花蝦餃子呢 🥟餃子入面既饀料有椰菜同肉碎既味道，咬落juicy爆汁，出面沈滿咗大量櫻花蝦，同樣有滿滿既鮮味👍🏻💁🏻♀️蘋果木煙燻松露和牛他他
三樣前菜我最喜歡呢一道💙平時食韓國菜，我例牌都會點牛肉他他呢一道菜😋超喜歡佢蛋黃mix埋爽脆雪梨後夾住生牛肉果種軟滑同多重口感，呢度既仲多左陣蘋果木既煙燻味，都幾特別同幾香架💁🏻♀️全天然豚肉五花腩 跟生菜
到左燒肉環節，五花腩係食韓燒必點架嘛😌燒到個肥肉脆脆的，再點啲韓式麵豉醬，用生菜包住一啖食真係好滿足呢😋佢一客既份量都真係幾多下，兩個人食略略覺得有點太多呢💁🏻♀️老饕澳洲M5/M6和牛牛板腱
食完豬，當然會有牛啦，我地點左一客和牛牛板腱，一客有五大片，上面放咗蒜蓉醬，燒起上嚟有蒜香味，輕輕燒10幾秒已經食得，入口重牛肉味同埋有咬口，幾好👍🏻💁🏻♀️香蔥薄切牛舌
我同朋友都幾喜歡呢一個薄切牛舌，食落口唔會有牛肉既臊味，可以夾埋餐廳提供嘅蔥一齊燒，點柚子汁食就最好啦💁🏻♀️松露肉碎炒飯
作為眼闊肚窄嘅表表者😂今次我都係嗌得太多嘢食既🤭但係食韓國嘢又點可以冇石鍋飯呢？最後結尾我哋食咗個松露肉碎炒飯，餐廳用石鍋送上嚟，個飯熱辣辣有飯焦，而且好香松露味，雖然佢話係肉碎，但係好明顯嗰啲係和牛牛肉粒，超奢侈嘅食法啊😌炒飯粒粒分明夠乾身，超級推介👍🏻總括嚟講，呢間韓日式燒烤餐廳嘅食物水準都算唔錯，價錢唔算太貴但又可以食到唔錯嘅肉，由於當日揸車嘅關係，我哋兩個都冇叫到酒精飲品，只係叫咗一杯菠蘿梳打同埋提子梳打，但係計我話，食燒肉一定要飲燒酒先夠爽㗎嘛😉下次唔使揸車，一於再嚟邊飲酒邊食燒肉啦
张贴
