鏞記酒家

营业中

休息中

作為一個點心愛好者嘅我最中意放假周圍去搵啲酒樓一盅兩件。雖然鏞記出名嘅唔係點心而係佢其他菜，不過依然唔影響我山長水遠去食返次，一入到門口第一件事就係感覺成個環境都佈置到好靚好復古，但又一啲都唔會畀人好老積嘅感覺，反而幾文青下。講返啲點心先，雖然都係叫返啲最大路嘅嘢不過係食得出好食啲，每一件都好足料又熱辣辣，大大啖不知幾滿足，唯一要講下嘅就係好啲貴，個價位當然唔算平，但計埋鏞記個大名同埋食物質素都係可以接受嘅範圍嚟嘅，私心排名可以排喺中上位置，食返一次體驗下都值得嘅。