影片
更多
2022-10-17
97 浏览
又係撞正星期日在沙田新城市廣場揾食，今次預咗要試呢間。耐無去日本，今日特意來這裡感受番一下去日本食燒肉的味道。餐牌有一set一set嘅combo，亦有一人定食餐，但最少要兩人起的。今次我們一行三人，所以都點了一個包羅萬有餐，標示3-4人。其實賣相算好，啲生料擺盤好企理，唔覺唔新鮮出晒水咁(最唔鍾意就係啲生肉出水)，食落啲料都唔錯。但我最鍾意嘅係另外叫嘅一碗麵🤤辣牛肉麵，牛肉都有成5、6片，好多好多滑嘟嘟嘅蛋花，蛋花配上辣湯，真係好好味😋⋯⋯想像到冬天食落去時嘅滿足感，麵質爽滑，掛湯好味。另外因為燒肉始終係有點膩，所以都點了一個飯，但係佢哋無「靚仔」的，所以點了一個紫菜飯，佢哋係跟一隻温泉蛋的，而碗底放了一些好像XO醬的佐料，唔錯👍🏻。最後每位客人都有一份好似樣嘅甜品做句號。我個人本身係討厭杏仁豆腐，但平心而論，除咗甜咗少少之外，佢呢個做得算好好，另外一件係雪糕糯米糍，睇擺盤絶不欺場，有勾起我坐富士山特別列車上的甜品盛😊
耐無去日本，今日特意來這裡感受番一下去日本食燒肉的味道。餐牌有一set一set嘅combo，亦有一人定食餐，但最少要兩人起的。
今次我們一行三人，所以都點了一個包羅萬有餐，標示3-4人。
其實賣相算好，啲生料擺盤好企理，唔覺唔新鮮出晒水咁(最唔鍾意就係啲生肉出水)，食落啲料都唔錯。
但我最鍾意嘅係另外叫嘅一碗麵🤤辣牛肉麵，牛肉都有成5、6片，好多好多滑嘟嘟嘅蛋花，蛋花配上辣湯，真係好好味😋⋯⋯想像到冬天食落去時嘅滿足感，麵質爽滑，掛湯好味。
另外因為燒肉始終係有點膩，所以都點了一個飯，但係佢哋無「靚仔」的，所以點了一個紫菜飯，佢哋係跟一隻温泉蛋的，而碗底放了一些好像XO醬的佐料，唔錯👍🏻。
最後每位客人都有一份好似樣嘅甜品做句號。我個人本身係討厭杏仁豆腐，但平心而論，除咗甜咗少少之外，佢呢個做得算好好，另外一件係雪糕糯米糍，睇擺盤絶不欺場，有勾起我坐富士山特別列車上的甜品盛😊
$988
4 浏览
1 赞好
0 留言
辣牛肉麵
$82
2 浏览
1 赞好
0 留言
紫菜飯
$48
10 浏览
0 赞好
0 留言
张贴
