HIKARI

位於荃灣既文青cafe近近地就黎體驗下，一入到去見到裝修好有簡約風，而且有兩層，樓底好高完全冇壓迫感。侍應姐姐好有禮貌，咁岩有其他客人一齊入，但侍應姐姐都一個一個咁serve，冇冷落左我見到有背包都會主動拎個兜比我裝袋，非常細心個menu都係行簡約風，幾易睇，非常好時間都係早既關係就叫左自選吐司，揀左四款，分別係慢煮雞胸，牛油果，蟹肉同埋炸雞。本身都諗緊佢會點幫我組合，黎到就見到蟹肉同牛油果一份，炸雞同雞胸一份，如果有得揀或者有suggest下點配搭就更好。另外有跟醬，配左蒜香蛋黃醬講講d配料，牛油果正常冇乜特別，勝在打得夠爛夠creamy。蟹肉冇得輸，加錢都必嗌，食到好多蟹肉味同埋個洋蔥粒好match。炸雞都係普通日式炸雞，都幾好食既。慢煮雞胸黎講都係出色，我都覺得可以一試，自己本身都有食開雞胸習慣，但佢呢個慢煮雞胸真係好唔同，好滑又唔柴，食完番唔到轉頭總括來說，relax chill 下既好地方，野食都係水準之上。門口有個打卡位望住街食，但就要預咗好多人望。