影片
更多
2023-06-26
94 浏览
又又又又係燒牛，無計，我食牛食到成精。大家睇我食嘅野，大概都知我係行日系，不過今轉一轉style，食間傾向韓少少嘅韓日燒烤餐廳，燒肉店我好少坐吧枱，覺得幾新鮮，睇得出餐廳非常自信，我好少見有餐廳個廚房係完全開放，玻璃都冇。我成餐飯睇住職員出餐切肉，仲有缸蟹仔睇，只要有客人點蟹，佢就會由觀賞用變成食用，好黑暗呀！牛「魔」，真係冇改錯名～揚櫻花蝦豆腐未講之前睇相先，有圖有真相，係咪靚仔先？呢個係以炸豆腐配一個類似天婦羅汁的湯汁，上面灑上櫻花蝦，打得卡，又香口！有口感，有鮮味，不錯！櫻花蝦餃子又係櫻花蝦！餃子係椰菜豚肉煎餃，多汁水潤外皮脆，加埋櫻花蝦，都係果句，提鮮！蘋果木煙燻松露和牛他他食左2個日系頭盤，終於黎韓國菜，我自己本身麻麻地他他，唔係因為我完全唔食，而係香港我少食，因為唔多餐廳駕駛得好。喜歡佢個蘋果木煙燻味，加上撈雪梨增加左清新同爽脆感覺，令個牛肉＋蛋黃咁軟滑嘅口感多左層次，雖然係食牛，但你會feel到開胃，3味頭盤，竟然係食牛最令人開胃。全天然豚肉五花腩 跟生菜開埋開爐燒肉，先黎五花腩，講得黎韓燒，五花腩一定係必叫之選！燒五花腩一定要燒到佢層肥肉係濃邊先得，加上韓式麵豉醬就真係
揚櫻花蝦豆腐
未講之前睇相先，有圖有真相，係咪靚仔先？呢個係以炸豆腐配一個類似天婦羅汁的湯汁，上面灑上櫻花蝦，打得卡，又香口！有口感，有鮮味，不錯！櫻花蝦餃子
又係櫻花蝦！餃子係椰菜豚肉煎餃，多汁水潤外皮脆，加埋櫻花蝦，都係果句，提鮮！蘋果木煙燻松露和牛他他
食左2個日系頭盤，終於黎韓國菜，我自己本身麻麻地他他，唔係因為我完全唔食，而係香港我少食，因為唔多餐廳駕駛得好。喜歡佢個蘋果木煙燻味，加上撈雪梨增加左清新同爽脆感覺，令個牛肉＋蛋黃咁軟滑嘅口感多左層次，雖然係食牛，但你會feel到開胃，3味頭盤，竟然係食牛最令人開胃。
全天然豚肉五花腩 跟生菜
開埋開爐燒肉，先黎五花腩，講得黎韓燒，五花腩一定係必叫之選！燒五花腩一定要燒到佢層肥肉係濃邊先得，加上韓式麵豉醬就真係韓滿足。朋友喜歡用生菜包住食，我呢d佬就一定係大口大口一燒完隊入口！咁先爽！老饕澳洲M5/M6和牛牛板腱
今晚嘅主角－燒牛到喇！今日我地揀左澳洲和牛牛板腱，餐廳預先喺肉上配咗蒜蓉醬，燒牛配蒜，哪有不香的？由於係薄燒，唔好燒太耐喎！個人小小貼士就係可以卷埋個蒜蓉醬燒，燒單面，一面生，一面脆，又係熱辣辣隊入口。香蔥薄切牛舌
我有篇食評未出，其中提到食牛舌原來真係要薄切。牛舌係我食嘅部位入面最入，再入我就唔食喇！我喜歡牛舌淡淡嘅香，每一次食牛，牛舌都係必點，係一個點綴，一個balance。點上柚子醋／少少鹽已經係唔同風味。松露肉碎炒飯
食燒肉叫咩飯？你咁諗就錯！如果一家食牛嘅店你好，記得叫炒飯！好坦白，呢個係完全唔韓國，佢個石鍋完全係裝飾，但佢成份事就好似我食鐵板燒最後叫果d和牛粒炒飯嘅感覺，呢個造法，d和牛香係入面d飯而d飯又夠乾身，呢個先係主角呀原來！如果唔用松露，用炸蒜片就仲好。
张贴
