大滿喜日本料理 (已結業)

今日去旺角行完新商場， 在行過彌敦道， 同行友人建議想食日式放題， 經過創興見到有人派大滿喜嘅傳單， 覺得價錢合理， 就同友人上去試下， 門口附近設有自助區， 有凍蝦，青口， 沙律， 餐前小食等， 飲品櫃和甜品櫃都有， 甜品主要有迷你布甸，啫喱，迷你芝士蛋糕和朱古力mousse等， 餐廳都幾大估計大概有200 過座位， 餐廳係用手機落單， 可以慳番等人嚟攞紙入機嘅時間。刺身類通常我食放題，第一樣叫嘅嘢就一定係刺身， 三文魚夠肥美， 帶子鮮甜， 其他刺身都好新鮮， 好正， 所以之後再加碼order多一盤。壽司類呢度都有幾款特色嘅壽司，例如黑松露帶子壽司， 帝王蟹肉蟹膏壽司， 柚子胡椒油甘魚壽司等， 呢度嘅壽司好處就係舊飯夠細， 唔會食到太飽，可以試多幾款， 壽司飯嘅溫度和軟硬度都掌握得幾好。其他熱食類其他熱食類有芝士釀雞翼，燒羊架等， 羊架食落冇騷味， 笑得幾香口，有孜然嘅味道， 我個人最鍾意就係芝士釀雞翼， 係將雞中翼嘅骨起咗然後讓芝士入去， 鍾意食芝士嘅朋友一定鍾意。