手卷野村 (已結業)

其實早排都有專登黎過，但果日冇開…結果食左旁邊嘅渣哥…今日襯放假又過黎終於食到喇~手卷野村同其他手卷店行嘅路線有少少唔同，似乎主打吞拿魚~兼強調日本直送至於比較受歡迎嘅海膽，佢地嘅價位屬中上，唔係葵廣果種大大pat，比附近嘅勁回味略貴三文魚腩手卷 $20腩位比起普通三文魚貴5蚊，跟圖片相符不過噗鼻而來，卻係好重嘅紫蘇葉味，如果唔喜歡呢種味道，記得提一提店員去掉！三文魚都算幾肥美，而且食到2/3都仲有料，算係近期食比較唔錯嘅三文魚手卷吞拿魚手卷 $30一般手卷店食嘅吞拿魚手卷都又乾又柴皮，呢條食落雖然稱唔上肥美，但都算新鮮，口感唔錯30蚊黎講都過得去，日後再經過會試埋貴價少少嘅款式，睇下會唔會正啲。