泰屋

营业中

休息中

再發現成棟都係餐廳嘅大廈，可能係我愚昧啦，比較少行呢，咁啱先見到呢一棟大廈而且發現上到去人非常之多，餐廳仲爆曬棚添，見到爆曬棚梗係覺得一定會有返啲水準。成日食泰國嘢，今日想食返啲特別啲嘅，所以就揀咗幾樣平時唔會食嘅。好似呢個辣醬肉碎炒河咁，個味道都幾惹味，偏向重嘅白胡椒香，而且仲有好多肉碎。如果就咁食噚話味道剛好，但係對於好鍾意食濃味嘅，建議加埋泰國四寶，糖，醋，辣椒，魚露一齊食。馬拉盞炒菜苗，我個人平時就比較鍾意食啲菜苗，應該係椰菜苗。點解食菜苗呢？係因為佢嘅菜質地比較嫩，好爽口，同埋鮮甜。配埋呢個馬拉盞醬炒落去，有咸香味，又辣。仲有呢個蝦真係抵食，份量大，有7隻甘夠，仲要係用海蝦。每隻都有蝦膏，肉厚，爽身。而個味道似港式嘅避風塘味道，有好多蒜粒同葱粒，一啖蝦一啖蒜，正！見到隔離枱一行6人，叫左幾個好吸引嘅菜式，例如泰式生蝦，鐵板炒蜆。。好想食。。但我得兩個人。。下次一定要成班人嚟！