影片
更多
2015-08-27
2067 浏览
今晚同男朋友係荃灣慶祝生日，想食韓國野，但前日先食完7080，於是今晚就決定試下呢間kpot，我地2個身為荃灣人而又同時鍾意食韓國野ge人居然未試過呢間火鍋，而且仲要係住港島區的同事介紹我食，真係失禮 hehe。價錢又不算太貴，我男朋友話叫158算，但難得黎到，決定食豪d! 我地就揀左248果個餐，多好多款肉食。一坐底，第一時間當然係揀湯底，我地就諗住食部隊鍋湯底，但發覺有一款叫辛辣湯底，我一直以為部隊鍋湯底=辛辣，於是就問下侍應，原來部隊鍋係冇咁辣同小小甜，所以我地2個愛辣之一就決定食辛辣湯底(可能我地食慣左農心)。Order 完湯底之後，當然就係出去掃野食，同其他日式涮涮鍋的格局好似樣，款式都很多，比起牛陣果d款式較多，多左韓式既配料 (餃子﹑魚糕,etc)，要記得食魚糕，配濃湯一齊食，very yummy。等左一陣，鍋就出黎啦，外表好吸引，因為真係好似我平日食辛辣面既顏色，,試飲左一啖，湯夠濃，比平日辛辣面湯底甜小小，我地已經拎左2包辛辣面入黎ready.肉類對比一般任食黎講，質素十分高，特選牛d肉質好嫩，很滑而且不會過多肥位，我諗我男朋友一個都食左3碟，但最令我地意想不到係魚
價錢又不算太貴，我男朋友話叫158算，但難得黎到，決定食豪d! 我地就揀左248果個餐，多好多款肉食。
一坐底，第一時間當然係揀湯底，我地就諗住食部隊鍋湯底，但發覺有一款叫辛辣湯底，我一直以為部隊鍋湯底=辛辣，於是就問下侍應，原來部隊鍋係冇咁辣同小小甜，所以我地2個愛辣之一就決定食辛辣湯底(可能我地食慣左農心)。
Order 完湯底之後，當然就係出去掃野食，同其他日式涮涮鍋的格局好似樣，款式都很多，比起牛陣果d款式較多，多左韓式既配料 (餃子﹑魚糕,etc)，要記得食魚糕，配濃湯一齊食，very yummy。
等左一陣，鍋就出黎啦，外表好吸引，因為真係好似我平日食辛辣面既顏色，,試飲左一啖，湯夠濃，比平日辛辣面湯底甜小小，我地已經拎左2包辛辣面入黎ready.肉類對比一般任食黎講，質素十分高，特選牛d肉質好嫩，很滑而且不會過多肥位，我諗我男朋友一個都食左3碟，但最令我地意想不到係魚柳，魚柳好滑，初初仲覺得好似唔太match 辛辣鍋，點知格外配合湯底，所以推介大家一定要叫魚柳。
食完一堆肉同一堆正常打邊爐配料，主角出場…就係辛辣面，仲要係不倒翁牌子，係繼農心之後既第2最愛! e…一打開包麵，發現冇味粉，雖然有小小失望，但好彩我地叫左辛辣湯底，所以唔緊要，可以繼續食。
除左韓式麵，當然就係魚糕，平時係街食就同男朋友share 一碗，大約每人1串，黎到任食既地方，每人食左4串!可能我地都鍾意食辣野，感覺上今晚食既份量比起平日食日式火鍋多左成倍咁，最後食完熱食，仲要2個人食左2杯yogurt，呢餐真係好滿足。
食完呢餐之後，已經決定左下次同朋友聚會既地點，encore here!
张贴
