牛一 (樂道) (已搬遷) 新店位置

又一間以牛肉+豬肉任食既火鍋店出現，前者牛陣同牛涮鍋我都幾喜歡，因為我食肉量唔多，以Set計唔任食既一碟肉，配料任食已經好滿足～今日同老公Lunch去試，冇點放題，以Lunch Set一碟肉＋配料任食~一入到牛一既前台，係攞位既位置落埋單，一上完樓梯坐低侍應就會擺低肉同埋鍋～慳左要侍應拎個餐牌埋黎，再睇，再點，再落鍋既一點時間。我地點左既三文魚豆乳鍋，極上美國牛肉一份同埋混合（美國牛肉＋豬肉）一份～座位好舒服，地方好大，由坐既地方同埋拎野食既地方都好寬鬆，大部份都係卡位，而且枱同枱之間都有相隔。自助配料區，丸類有好多款，汁料亦比其他店多款，數唔哂～～最開心佢有木薯粉～雖然好飽肚～但係木薯粉會索湯，個湯濃既話會好正～～～飲品係罐裝～則邊有熱水機有茶包，岩我鐘意飲茶=p甜品區有雪糕機，有好多配料可以俾你放上去～有粟米片有乳酸爆爆珠等等……三文魚豆乳湯好滑～有微微魚湯同奶味，唔算太濃，不過煲到最後ｄ豆乳結塊=p然後個湯變左清湯~~ｂｔｗ因為我冇加過湯,到後期個湯好濃好正=p整體黎講一直食住都好舒服，係收野速度慢左小小…如果你係果種喜歡多選擇既我相信牛一會幾適合你～食完送左張$100現金卷可以