翠園 (形點 I)

营业中

休息中

因為唔想等待，又選擇了元朗翠園，見到八頭鮑魚、燉湯、燒鵝 套餐 $498 買一送一，另收茶水費及加一服務費。即管叫來一試，第一時間上檯的是 翠園燒鵝皇，對比傳單上影的燒鵝令立立照片對我的吸引度立即跌到剩餘無幾，一來肉質乾到無論；二來 佢應該寫明例牌，這樣感覺就良好好多，因為份量真是細份量到無可再細，三來 佢寫著翠園燒鵝皇，即是皇牌啦，揀佢應該無得輸才對吧！。第二道是 燉湯，喝一口終於明白咩嘢叫做 買一送一，個湯清淡到似一碗湯加多一碗白水變成兩碗燉湯。第三道 翡翠帶子蝦球，有兩隻蝦、兩隻帶子加上一些菜，味道一般。第四道八頭鮑魚扣鵝掌，只有這道菜叫 中規中矩。最後古法蒸沙巴龍躉班，魚肉蒸過火，肉質鞋颯颯，亦沒有鮮味。如果唔係在沙田食過翠園的質素好，今晚就唔會再試，又再次中伏。