響葫蘆 燒物 . 居酒屋 (已結業)

已經好耐好耐無食過放題了, 今日收工之後到左尖沙咀呢間響葫蘆, 同朋友食到痛快!!呢度嘅食物選擇非常之多, 除左刺身壽司之外, 各款特色小食一一供應, 加上飲品任飲, 絕對係物有所值!首先有刺身盛上場: 牡丹蝦、甜蝦、、三文魚、吞拿魚、黃金魷魚、芥末魷魚一一登場。貴價食材牡丹蝦非常大隻, 絕對係啖啖肉, 加添少少檸檬汁, 更加提升鮮味。厚切嘅三文魚亦都夠肥身, 魚香味十足; 黃金魷魚、芥末魷魚同樣惹味, 帶有少少嘅芥末味, 令人更加食不絕口!手卷及壽司亦有上佳水準, 尤其係海膽手卷, 用料絕不孤寒, 而且質地軟滑, 值得一試! 蒲燒鰻魚醬汁惹味, 無論係原條燒, 或是火炙壽司, 都食得出鰻魚出色之處!熱食方面: 誠意推介香橙焗銀雪魚, 魚身上有香橙嘅味道, 了少一份油膩嘅感覺, 但多少一份清新嘅味道。雞軟骨脆口, 炸蠔好大隻同新鮮蠔味, 同樣唔油膩。串燒串串出色, 無論係燒雞皮、燒冬茹, 或者其他款式, 都係會有令人encore嘅慾望!