影片
更多
2021-06-30
6635 浏览
最近體檢發現血壓上升及有精神緊張跡象，週末就聽從醫生建議同哥哥去咗北角開咗近三年嘅「香港維港凱悅尚萃酒店」潮玩staycation。哥哥所選購嘅套票包埋於酒店咖啡廳「The Farmhouse」享用自助早餐。自助早餐開放時間為早上六點半到十點半，住客可預先上網登記心儀嘅用餐時段，但此舉並不等同預先訂座，遇上繁忙時間都一樣要排隊等位。真係冇諗到個早餐原價$248/大人、$150/長者或小童，另收加一服務費，即使酒店住客可享八五折優惠都唔平，因為套票包咗先覺得抵啲。為咗可以影多幾幅靚相，細佬一早七點幾就去咗二樓餐廳大肆探索。接待處位妹妹非常友善，陪同安心探熱後即帶小肥入座，並提點熱食區藏於最入不太起眼嘅位置，細心得很！樓底高高嘅用餐大堂十分開揚，窗邊排出一列以膠板隔開嘅二人散座，中央位置則擺出多張相隔一點五米嘅四人餐桌，完全符合抗疫標準。拍牆有間半廂房式設計嘅八人枱，相信私隱度為全場最高也。餐墊上擺有自用嘅西式餐具、口罩套及濕紙巾。由於用餐時間限定為一小時，入座後妹妹會於餐桌上放下一張寫有入座時間嘅「仲食緊」紙條。用餐後只需反轉紙條以示「食飽嚕」即可離場。場內嘅服務生唔熟手都唔係太緊要，可
自助早餐開放時間為早上六點半到十點半，住客可預先上網登記心儀嘅用餐時段，但此舉並不等同預先訂座，遇上繁忙時間都一樣要排隊等位。真係冇諗到個早餐原價$248/大人、$150/長者或小童，另收加一服務費，即使酒店住客可享八五折優惠都唔平，因為套票包咗先覺得抵啲。
為咗可以影多幾幅靚相，細佬一早七點幾就去咗二樓餐廳大肆探索。接待處位妹妹非常友善，陪同安心探熱後即帶小肥入座，並提點熱食區藏於最入不太起眼嘅位置，細心得很！
樓底高高嘅用餐大堂十分開揚，窗邊排出一列以膠板隔開嘅二人散座，中央位置則擺出多張相隔一點五米嘅四人餐桌，完全符合抗疫標準。
拍牆有間半廂房式設計嘅八人枱，相信私隱度為全場最高也。
餐墊上擺有自用嘅西式餐具、口罩套及濕紙巾。
由於用餐時間限定為一小時，入座後妹妹會於餐桌上放下一張寫有入座時間嘅「仲食緊」紙條。
用餐後只需反轉紙條以示「食飽嚕」即可離場。
場內嘅服務生唔熟手都唔係太緊要，可以邊做邊學，最令人驚訝不安嘅係聽到有兩位以粗言穢語講述對客人不滿嘅對話，就算其身份為臨記都有損酒店形象，態度欠缺專業。此外，其實第一日張餐枱都冇乜問題，不過第二日嗰張就明顯好耐冇抹過；如下圖所示，桌上嘅污積絕對唔似只係嗰朝六點半至七點二十一分內所留底囉！
自助餐飲項目分為冷、熱兩區。飲品包括果汁、茶、奶及咖啡可於近門口嘅「冷區」搵到，只係單單唔見有水飲。
顧名思義，「冷區」內主要為冷凍嘅食物，如生果。
存於透明雪櫃有多款凍肉、芝士、沙律、三文治等。
冰陣上有健康啲嘅乳酪及多款穀類早餐食品。
麵包架上亦琳琅滿目，最搶眼就係啲七彩鮮艷嘅冬甩。不過個人鍾情嘅卻係細細隻嘅朱古力味牛角包，吃前烘一烘，可令朱古力餡半溶於更酥化嘅包品內，如果朱古力份量可以加重少少就完美啦！
面積較大嘅熱食區內有多位師傅烹製菜式。
即叫即備嘅項目每天都會有啲唔同，超人氣之選係只見到一次嘅溫泉蛋飯，金黃橙美嘅溫泉蛋包保流心滑溜，實屬亮點，個人誠意推介！
溫泉蛋飯
34 浏览
1 赞好
0 留言
即煎香草芝士蘑菇奄列
286 浏览
1 赞好
0 留言
即煮粉麵
32 浏览
1 赞好
0 留言
魚蛋牛丸湯河粉
136 浏览
1 赞好
0 留言
中菜以爽脆彈牙嘅雜菜炒麵最美味。
雜菜炒麵
39 浏览
1 赞好
0 留言
點心
28 浏览
1 赞好
0 留言
點心
38 浏览
1 赞好
0 留言
送粥配料
28 浏览
1 赞好
0 留言
荷包蛋
27 浏览
1 赞好
0 留言
場內嘅小朋友大多都愛食甜甜嘅班戟及布丁，睇見佢地落咁多忌廉同果醬就知邊樣先係主角啦！
XO仔獨愛乾巧香脆嘅墨西哥芝士餡餅，塗上莎莎醬及牛油果醬即倍添清新惹味。
墨西哥芝士餡餅
86 浏览
1 赞好
0 留言
自助早餐
101 浏览
3 赞好
0 留言
张贴
