影片
更多
2016-12-09
251 浏览
星期六晚睇完 "怪獸與牠們的產地"之後去食飯，咁岩睇到呢間餐廳好似幾多人讚好就訂左位，估唔到即晚訂位都仲有得訂，真意外！一心諗住試食龍蝦…點知唔記得左同行友人係唔食得海鮮，所以一整個頹左。因為個餐牌除左龍蝦之外就冇咩菜式好揀，所以就係為數唔多ge選擇入面揀左幾樣。最快上枱竟然係pizza，我地叫個parma ham pizza，食落咸咸地，都算叫香，而且餅皮都算唔錯。跟住先輪到小食，焗牛油粟米同炸雙色薯條。個焗粟米好牛油又好香，而且份量唔少，不過對比番個價錢，其實cp值都差唔多，唔算好高。跟住個炸薯條就真係算唔錯，佢隻薯條係普通薯仔同蕃薯條，雖然唔係好食得出佢地原本ge味，但個醬係幫佢加分ge地方，配左蜜糖芥末醬、沙律醬同龍蝦汁。個蜜糖芥末醬係由外表到味道都同老麥個隻差唔多，驚喜係其餘兩隻，沙律醬係食得出好食，酸酸甜甜得黎，又唔會有平貨個隻咁死實實。龍蝦汁更加唔駛講，招牌所在冇得輸，龍蝦汁入面仲有d龍蝦肉粒，雖然係有少少似龍蝦湯粉開出黎個隻味…不過都算拎番少少分。最後上係乳豬，佢聲稱西班牙乳豬，不過就肥到媽媽聲…而且只係得一隻脾咁多，仲要有勁粗骨，扣除肥膏同骨頭，其實d肉分分鐘少過走地
一心諗住試食龍蝦…點知唔記得左同行友人係唔食得海鮮，所以一整個頹左。因為個餐牌除左龍蝦之外就冇咩菜式好揀，所以就係為數唔多ge選擇入面揀左幾樣。
最快上枱竟然係pizza，我地叫個parma ham pizza，食落咸咸地，都算叫香，而且餅皮都算唔錯。
跟住先輪到小食，焗牛油粟米同炸雙色薯條。個焗粟米好牛油又好香，而且份量唔少，不過對比番個價錢，其實cp值都差唔多，唔算好高。跟住個炸薯條就真係算唔錯，佢隻薯條係普通薯仔同蕃薯條，雖然唔係好食得出佢地原本ge味，但個醬係幫佢加分ge地方，配左蜜糖芥末醬、沙律醬同龍蝦汁。個蜜糖芥末醬係由外表到味道都同老麥個隻差唔多，驚喜係其餘兩隻，沙律醬係食得出好食，酸酸甜甜得黎，又唔會有平貨個隻咁死實實。龍蝦汁更加唔駛講，招牌所在冇得輸，龍蝦汁入面仲有d龍蝦肉粒，雖然係有少少似龍蝦湯粉開出黎個隻味…不過都算拎番少少分。
最後上係乳豬，佢聲稱西班牙乳豬，不過就肥到媽媽聲…而且只係得一隻脾咁多，仲要有勁粗骨，扣除肥膏同骨頭，其實d肉分分鐘少過走地雞。最慘係上枱之後，由於我地唔識切，所以完全無從入手，等左勁耐先有個男侍應走黎問要唔要幫手切…而且配菜少得可憐，酸椰菜絲就一少堆，焗薯切半得三個半面，d燒汁更加食唔出咩味，早知唔叫好過叫。
佢d野飲我地都叫左黎試下，朋友叫左杯薄荷蜜桃ge cocktail，我就叫左杯朱古力baileys，仲有叫左杯熱情果溝柚子，上藍下紅ge野飲。呢幾杯都不過不失，又唔算特別好飲，但又唔算難飲，平均線水準啦，好似望落好有特色，實則入口都冇咩特別味道，都係甜甜地又有小清新咁啦。不過朱古力個杯係有少少甜到膩，建議食唔飽可以一試。
张贴