澳門茶餐廳 (已結業)

聖誕節去澳門玩前一個早餐！因為要早啲去碼頭劃位！方便都在信德攪埋早餐！主要都係快餐式連鎖店，通常都係去澳門茶餐廳！因為早餐食物比較特別！去到個場都幾爆！幸好剛遇到一枱卡位客人走！店員即刻執好比我們，好好彩有位坐低，卡位闊落！餐廳半開放式，只有圍牆，牆身都有藍色花紋葡式瓷磚裝飾！早餐以港式為主！我比肥髀自己揀，自己再加個奶油豬！仿鮑魚絲火腿通粉：通粉淋晒，唔彈牙，火腿絲正常，份量都幾多，仿鮑絲好假，得個咸！唔好味，比淨火腿仲好！雞湯底幾濃唔錯！腸仔反蛋多士：普通雞肉腸，反蛋比較老！牛油多士香脆！凍檸茶：茶底唔澀，幾好！奶油豬仔包：焗得金黃色好香脆，外脆內軟，麵包鬆軟，配溶了嘅牛油同練奶，好滑好香甜！正！服務正常，店員勤快，比較粗豪！好爽手！