紫菜魷魚鬚天婦羅
份量都唔少，天婦羅食落炸得十分脆口，帶點有紫菜味，魷魚鬚炸彈牙唔韌。味道十分特別。
蟹噌甲羅燒
賣相十分吸引，店員會比你影一影相之後就會幫燒埋，燒既時候都聞到香味，蟹味噌質地滑味道十分濃厚，佢配左青瓜絲，食落唔會好漏，加翻少少清新。
鮑魚殼燒
上枱仲見到係陏緊，十分新鮮又大大隻，店員都會幫手燒埋，燒到邊邊有d焦香，食落十分香口，肉質彈牙。
醬油木魚帆立殼燒
呢個就配左d配料擺埋一陣燒，其他配料都吸左d汁，帆立貝都大大隻，鮮嫩彈牙。
帶子磯燒
大大隻，燒到岩岩好，保持到大大粒有水份，冇配其他配料 ，原汁原味，食落都好鮮甜
鹽燒三文魚鮫
三文魚鮫燒得岩岩好，保留到肉汁，食落都好嫩滑，份量都唔少，啖啖肉。
刺身5盛
有三文魚，吞拿魚，帶子，海膽，油甘魚，刺身十分厚肉，食落都好新鮮，海膽都出色，十分鮮甜。
波波橙梳打
十分大杯，配有橙片可以食埋，有d橙味，配左梳打水，唔會太甜，十分清新。蜜瓜特飲
呢杯仲誇張 ，一大片蜜瓜係杯邊，飲落，好清新蜜瓜味而且仲可以食埋蜜瓜肉，十分香甜。
短期唔去日本都可以黎食下野，環境唔錯，服務都好好。
