Espresso Alchemy (如心廣場一期)

营业中

休息中

為左試下佢D豆係咪真係傳說咁正，果日經過荃灣咪走去如心廣場試下囉, 個裝修好chill好舒服，係一流既hea點~咖啡試左兩個，一個精選單品咖啡，一個係MOCHA，黑咖啡係最試到個豆既質素既，佢地是日精選既豆係Colombia既豆，偏酸但好重豆香同淡淡果香，佢每隻豆都係自己精選架，仲會事不事轉款，我見有其他豆既postcard係度，下次試下其他豆先! MOCHA既咖啡味同朱古力都好夾，平衡得好好~食物方面，叫左一個煙三文魚沙律，好清好Fresh，所有食材都好新鮮。再叫左個青醬烤雞三文治，係意大利式既Panini三文治，烤雞好厚身，肉質又鬆軟，D醬都調得好好味，仲夾左好多蕃茄生菜，好輕怡唔HEAVY!為食既我地，當然再叫左個banana loaf cake收尾，一食落去已知材料唔馬虎，香蕉味濃郁，唔係甜身既cake，而且厚身好有口感，侍應仲好有心咁問我地需唔需要加D牛油或者honey係上面，咁我地簡左加少少，咁個cake就唔會dry住上碟!同時加映Menu俾大家參考哦~