渡邊屋

营业中

休息中

因為本人搶唔到日本機票，但係又非常掛住日本嘅美食，所以就去咗屋企附近嘅九龍城尋找一下日本美食。點知真係比我搵到間唔錯嘅日本餐廳，個裝修已經好專業，充滿日本嘅氣氛，食物亦都超水準。所以想為大家推介一下。🤩 辣味蔥吞拿魚腩卷魚腩鮮味，唔會太過油膩，配埋辣味嘅青蔥，味道就更加日式，同埋特別，仲要個卷物嘅份量都唔少，啱晒啲比較大食嘅朋友。🤩 火炙壽司盛合因為本人非常貪心，所以就嗌咗一個盛合，咁就可以滿足晒我一個人嘅慾望。入邊有三文魚/油甘魚/帶子/左口魚/鰻魚/赤蝦/原條海鰻。聽落都已經流晒口水，本身食材已經非常新鮮，再配以火炙嘅做法，盡顯食材嘅另一番風味。值得一提嘅係啲魚經過火燒之後，啲魚油就爆曬出嚟，真係好正。只係$138 ，仲要有原條海鰻，真係物超所值。