石澳樂園 (裝修中)

J小姐舊年介紹我入石澳食泰國菜，真係無介紹錯。 食咗2次，依然咁好食。 入到石澳，坐在半開放式的餐廳裡，好似去咗泰國，輕鬆寫意啊。 我們四人點了金柚子沙律,香茅中蝦,紅咖哩鴨,蒜茸包,豬頸肉炒椰菜苗,泰式炸雞和泰式炒金邊粉。 由於樣樣都好似好好味道和價錢唔貴，所以食咗好多。金柚子沙律 - 看似沒有什麼特別，但味道好好，而且好特別，係我食過最似泰國既味道(在香港)香茅中蝦 – 整條香茅串住幾隻中蝦，蝦鲜而沒有遮蓋淡淡的香茅味，不錯!紅咖哩鴨 – 濃郁的椰汁香加少少咖哩辣，配以熱辣辣的蒜茸包,一絕!豬頸肉炒椰菜苗 – 無論豬頸肉、椰菜苗或是汁都okok，我朋友仲叫多一份外賣!泰式炸雞 – 本來想叫無骨海南雞(因為上次食過正)，點之無，叫咗泰式炸雞，都好味，唔油膩亦唔 “鞋”，相當嫩口!泰式炒金邊粉 – 料多，炒得唔油，大碟甲底食，下次都要encore!逢星期六、日及公眾假期要加一，平日不用。 我們食咗咁多野(連幾罐可樂加兩碗白飯)都係$500左右，okok!