影片
更多
2018-11-27
299 浏览
同事下個星期生日，今日見有一大班人的飯局，經過旺角朗豪坊地庫的La Familie 專誠買咗一個出名嘅戚風蛋糕比一班同事品嚐。收工之後六點半去到已經人頭湧湧，如果想確保自己有蛋糕買嘅話最好就係打去預約！La Familie 係最近崛起嘅新派甜品店。尤其係近幾年分店不斷擴展，全港九新界都可以見到佢嘅足跡，當然旺角朗豪坊一個潮流嘅地方都唔例外。店入邊除咗普通蛋糕之外，仲有mini cake! 有時如果只有兩個人慶祝嘅話，一個蛋糕真係會食唔晒，都幾頭痛。而且呢個迷你size嘅蛋糕就啱啱好。今次特登揀咗柚子蛋糕同一班同事分享。望落去白雪雪，啲忌廉睇落都幾滑。切開之後食到每一口都有柚子皮嘅味道，清新得來又唔會過分甜。我地就算食飽咗之後，都異口同聲表示一個蛋糕都好清新，唔會食唔落！果然甜品係令人著迷，每人都有一個不同的胃。這句說話真係講得冇錯！Cream 綿滑又不膩，唔好俾人一種好滯嘅感覺！有人仲食到有芝士味！蛋糕本身嘅濕度都掌握得得到好處，蛋糕唔會好乾身。小店仲附左支左支金色嘅蠟燭，睇落好高貴。絕對唔係幾十蚊貨色。所以能夠呢一間新開嘅甜品店咁得人歡心，蛋糕精緻得來，味道又好好。絕對唔係得個樣。下
收工之後六點半去到已經人頭湧湧，如果想確保自己有蛋糕買嘅話最好就係打去預約！La Familie 係最近崛起嘅新派甜品店。尤其係近幾年分店不斷擴展，全港九新界都可以見到佢嘅足跡，當然旺角朗豪坊一個潮流嘅地方都唔例外。
店入邊除咗普通蛋糕之外，仲有mini cake! 有時如果只有兩個人慶祝嘅話，一個蛋糕真係會食唔晒，都幾頭痛。而且呢個迷你size嘅蛋糕就啱啱好。
今次特登揀咗柚子蛋糕同一班同事分享。望落去白雪雪，啲忌廉睇落都幾滑。切開之後食到每一口都有柚子皮嘅味道，清新得來又唔會過分甜。我地就算食飽咗之後，都異口同聲表示一個蛋糕都好清新，唔會食唔落！果然甜品係令人著迷，每人都有一個不同的胃。這句說話真係講得冇錯！
Cream 綿滑又不膩，唔好俾人一種好滯嘅感覺！有人仲食到有芝士味！蛋糕本身嘅濕度都掌握得得到好處，蛋糕唔會好乾身。
小店仲附左支左支金色嘅蠟燭，睇落好高貴。絕對唔係幾十蚊貨色。所以能夠呢一間新開嘅甜品店咁得人歡心，蛋糕精緻得來，味道又好好。絕對唔係得個樣。下次要試埋小店嘅伯爵茶蛋糕，睇落都好似好好食咁。
张贴
