立体派拉麵 (威靈頓街)

营业中

休息中

上次朋友帶我去尖沙咀食過哩間拉麵之後，想再去食時因為疫情難以經營而結業，只好去它的中環總店再品嚐過。地點有點隱藏式，佢係威靈頓街中間處落條樓梯先搵到，店外排隊既人都多，好在朋友預先電話預約左。我地坐低後點選自己喜歡食既拉麵，仲叫多左兩款小食: 手造韮菜餃子同名古屋風雞翼，至於飲品方面，見到有日本波子汽水選擇，一於飲下，朋友就飲烏龍茶。我點既拉麵好快就登場，九味醬油湯拉麵，配上厚切叉燒，叉燒切到成寸厚，咬落好琳唔會覺得肥膩，拉麵好滑身彈牙，唔同平時所食到，食完巳經好飽。手造韮菜餃子煎到底部微焦，咬落唔係脆口，係軟同滑。另一款小食: 名古屋風雞翼，餐廳用左雞全翼，一碟兩隻，咬落外皮香脆。朋友期待的鯖魚湯香菇野菜海蝦拉麵，海蝦同麵分開上，一碟有三隻，拉麵旁邊圍住6大塊紫菜，仲有香菇、蔥白絲、芽菜同野菜伴隨，朋友話個湯底好正，所以佢一滴都唔放過，食完麵再食蝦，蝦肉咬落帶有酒香，肉質彈牙美味。餐廳外仲有好多人等位，所以我地一食完就埋單走人。