尚興潮州海鮮飯店 (已結業)

上星期與老婆及外母大人幫趁。由於我們先行訂了檯，兼且早到廿分鐘及齊人，所以即刻可以就座。入了間房，有兩檯客。一檯約十人係自由行；另一檯一男一女，男的西裝畢挺女的餘韻猶存，看來係中環上班的上等人。點了墨魚拼鵝片、絲瓜胳、沙茶炒河、炸雙棗與珍肝，普通菜式。自由行一檯就食翅，一男一女的一檯就點了片蚌，都是貴價菜。墨魚拼鵝片尚算滿意，墨魚冇用色素，不過鵝片比較肥。沙茶炒河與絲瓜胳都好好味。餸菜方面都大致滿意。除了老闆經常走入來視察我們的「進度」外，侍應儀容整潔，多次主動斟茶，印象都幾好。不過，食到中途，突然有個男侍應走入來對鄰檯個西裝友話：「抄牌」，看來個西裝友係熟客。由於我也是駕駛前往（不過並非泊在尚興門口外），當然本能反應地渣走架車。不料，個侍應指住我話，「冇你嘅事，你坐翻低。」我外母沉不住氣，與他理論左兩句。雖然那侍應最後也有道歉，唉，食普通菜色原來真的是受白眼。