老上海飯店 (已搬遷) 新店位置

～上星期轮到太座约班旧同学饭聚；有得食，我梗做「菠萝鸡」喇。唔止咁，我仲口多多话帮班女人拣间餐厅，订埋位。班阿太求之不得，于是，我就自把自为，订咗湾仔『老上海』嘞。而家先至讲真话，我其实拣『老上海』系另有目的嘅，并非为咗想食佢哋嘅嘢。因为间饭店几乎就喺正『通利琴行』对面，而晚饭前有两个钟自由时间，我一嘢就走上去试匀哂佢哋啲靓电结他同 amps (我要多谢琴行班哥哥，俾我尽情搞搞震冇帮嚫！)。好嘞，讲翻食喇！班女仕之前去咗 Pacific Place 叹 high tea，所以就由我负责点菜。「醉猪手」，「熏鱼」，「熏蛋」，「凉拌西芹豆干丝」，「蒸素饺」，「椒盐黄鱼」，「红烧元蹄」，「荠菜炒年糕」。究竟『老上海』掂唔掂呢？绝对唔可以话“唔掂㖞”⋯⋯水准呢几年都系咁保持翻上下。况且，我哋绝对唔系食家，唔识去分析𩠌菜，我哋只系「为食友」，净系讲得出我哋钟意啲乜唔钟意啲乜。咁，呢餐我最钟意嘅就系碟「熏鱼」。其实对我嚟讲，『老上海』，『鹿鸣春』，『香港老饭店』，『上海绿杨邨』，『沪江』，『雪园』呢几间都系差唔多，大家都有自己一两款 killer dishes ，其他分别唔大。而dining ex