影片
更多
2024-02-28
196 浏览
放工最好嘅节目就当然系约埋三五知己，围炉取暖，一齐聚一聚！朋友仔就介绍我哋今日去呢一间「大公别馆」，一尝佢哋既精致又滋补嘅火锅先！🥢火锅酱料九宫格齐集各式各样火锅配料，如香葱、芫荽、黄椒酱、沙嗲酱、蒜蓉、辣椒粒、干葱油及炸蒜，整齐地摆放于九宫格内，可以按自己嘅喜好调配心水酱料，好正！🥢自家制特饮食火锅，点少得叫返啲解渴嘅饮品慢慢叹！餐厅主打自家调制特饮，每款真材实料，自家研制！分别有竹蔗茅根、紫贝天葵酸梅汤及陈皮话梅梳打，每款大大渣，啱晒我哋一班人慢慢享用！我就特别推介陈皮话梅梳打，酸酸甜甜，上层仲加入陈皮丝，搭配解渴一流嘅梳打水，冰冻得来又散发着陈皮嘅甘香，饮落特别清凉润喉！🥢花胶浓汤鸡锅 / 川蜀麻辣锅 （鸳鸯锅）我哋拣咗滋补嘅花胶浓汤鸡煲同埋麻香味浓既川蜀麻辣锅，照顾哂大家既口味～花胶浓汤鸡锅鸡既汤底金光闪闪，用上鲜鸡熬制再加入花胶、木耳及杞子等配料，先试一碗鲜鸡汤及软滑既花胶，够哂滋补！川蜀麻辣锅香气扑鼻，辣度十足，食得好过瘾！配料够哂地道正宗，麻辣度调制得够出色！🥢日本萨摩和牛翼板肉叹火锅又点少得靓牛肉！呢度主打日本萨摩和牛，而且更引入翼板肉部位，呢个部位油脂分布最均匀，牛味
🥢火锅酱料九宫格
齐集各式各样火锅配料，如香葱、芫荽、黄椒酱、沙嗲酱、蒜蓉、辣椒粒、干葱油及炸蒜，整齐地摆放于九宫格内，可以按自己嘅喜好调配心水酱料，好正！
🥢自家制特饮
食火锅，点少得叫返啲解渴嘅饮品慢慢叹！
餐厅主打自家调制特饮，每款真材实料，自家研制！
分别有竹蔗茅根、紫贝天葵酸梅汤及陈皮话梅梳打，每款大大渣，啱晒我哋一班人慢慢享用！我就特别推介陈皮话梅梳打，酸酸甜甜，上层仲加入陈皮丝，搭配解渴一流嘅梳打水，冰冻得来又散发着陈皮嘅甘香，饮落特别清凉润喉！
🥢花胶浓汤鸡锅 / 川蜀麻辣锅 （鸳鸯锅）
我哋拣咗滋补嘅花胶浓汤鸡煲同埋麻香味浓既川蜀麻辣锅，照顾哂大家既口味～
花胶浓汤鸡锅鸡既汤底金光闪闪，用上鲜鸡熬制再加入花胶、木耳及杞子等配料，先试一碗鲜鸡汤及软滑既花胶，够哂滋补！
川蜀麻辣锅香气扑鼻，辣度十足，食得好过瘾！配料够哂地道正宗，麻辣度调制得够出色！
🥢日本萨摩和牛翼板肉
叹火锅又点少得靓牛肉！呢度主打日本萨摩和牛，而且更引入翼板肉部位，呢个部位油脂分布最均匀，牛味又够浓郁，用黎打边炉，超正！
🥢本地新鲜牛颈脊
再黎一碟本地新鲜牛颈脊，色泽粉嫩红润，雪花纹理突出，重点系轻轻渌制后，肉质嫩滑得黎，带点咬口，好出色！
🥢西班牙黑毛猪腩片
呢度提供嘅肉类除咗牛肉之外，猪肉亦好高质！用上西班牙黑毛猪腩片，猪肉味及油香味十足，入口松软，食肉嘅朋友仔必定要试！
🥢日本刺身带子
餐厅选用既食材，够高质而且新鲜！用上刺身级带子，肉质够厚身之余，够哂鲜甜，用黎打边炉口感更佳，内层带点半熟效果，层次感十足，必试！
🥢招牌四宝丸
包罗万有，四款丸类由人手手打，口味创新！有齐脆骨乌鸡丸、 XO酱猪肉丸、芫荽牛肉丸及芝心墨鱼丸，我就最钟意XO酱猪肉丸，咬落超juicy，用上半肥瘦猪肉加入XO酱再由人手手打，入口爽弹得黎渗透XO酱既咸香味，够哂满足！
🥢白鳝片
超高水准既白鳝片！系师父专业既处理下，白鳝片已去骨，啖啖肉！重点系白鳝既外皮入口Q弹，鱼肉够爽脆，系一道好高质既火锅食材，抵赞！
🥢鲍鱼鸡粒饺
别出心裁既自家制饺子！饺子加入烟韧鲜甜既鲍鱼粒，搭配爽滑既鸡粒，两者互相辉映，饺子饱满多汁，入口鲜味十足，值得一试！
🥢西班牙黑毛猪午餐肉
食火锅，午餐肉系我嘅最爱，尤其系将佢加入麻辣汤底！呢度用上西班牙黑毛猪午餐肉，先将佢炸一炸，外层带点香脆！再放入浓浓嘅麻辣汤底，所有嘅麻辣汤底精华渗入午餐肉入边，食起嚟辣到十足又Juicy，超赞！
🥢鲜虾鱼皮饺
鱼皮饺大家又食得多啦，加入鲜虾嘅鱼皮饺，估唔到一样出色！加入鲜虾后，鱼皮饺口感及层次感十足，入口爽弹，内馅咸鲜既鱼香味突出！
🥢自家制千层枝竹
我既至爱，钟意食辣既朋友仔必定要约佢加入麻辣锅滚要滚，等佢索尽麻辣汤汁，食落惹味又过瘾！千层枝竹豆味浓郁，层层分明，超推介！
🥢新鲜紫淮山
紫淮山入口宁舍清甜，营养价值高，帮助消化！轻轻渌一阵，质地带点爽脆，口感一流！
🥢时令蔬菜
餐厅提供嘅蔬菜类选择众多，我哋就拣咗几款时令蔬菜，包括皇帝菜、娃娃菜及唐生菜，蔬菜类新鲜爽脆，我就推介大家加入花胶浓汤渌制，各款蔬菜挂满鲜味十足嘅浓鸡汤，够晒清甜！
🥢顺德鱼面
意犹未尽嘅我哋，要试埋餐厅自家手打嘅顺德鱼面，咁至够满足！鱼面采用鱼肉制成，鲜味澎湃，面条又挂汤，Q得又可以索尽汤底嘅精华，超满足！
🥢甜品 - 和牛雪葩 及 流心南瓜球
卖相极度精致打卡一流嘅和牛雪葩，上枱时加入干冰效果，仙气十足！口感软糯，用上士多啤梨汁制成，微微酸，解腻一流！
流心南瓜球，即叫即炸，外层口感烟靭，卖相可爱！上层加入薄荷叶及丁香，制作认真，内层流心嘅南瓜蛋黄酱，咸咸甜甜，为呢一餐画上完美句号！
大公别馆 (荔枝角)
地址：荔枝角长义街9号D2 Place ONE 10楼A1号舖
张贴
