正宗水上人氣鍋專門店 (已結業)

打邊爐打得多，今次去試下蒸氣鍋先，於是同朋友去左水上人蒸氣鍋專門店，入到去有個好靚既魚缸，唔係放珊瑚魚，而係好整齊咁放左D好生猛既靚海鮮，有蜆、蠔、元貝、蟶子、老虎斑、羔蟹……好鬼多款，同西貢有得揮，而餐廳以竹做燈及裝飾，睇落好Natural好舒服，再睇下個Menu，同打邊爐都幾唔同，好似高級D，價錢都貴D，於是叫左沙薑雞腳、黑松露蒸大元貝、蟲草花蒸鮮雞、客家梅菜菜遠及南瓜排骨珍珠粥。諗住食個菜清清地及平衡下D營養，又真係幾清，D梅菜同平時都唔同，一D都唔咸，可以俾你搭真D，呢個我又覺得清左D，所以點左好多醬油，加辣加豉油都幾OK~跟住到蟲草花蒸鮮雞，呢個等耐D要6分鐘，蒸完D鮮雞真係好滑，當中既蟲草花及紅棗令D雞更鮮甜，如果食慣濃味既，仲有大把醬油俾你點，一定啱口味~南瓜排骨珍珠粥，其實我平日少食南瓜，西式既南瓜湯我都勁少飲，但呢個粥真係不得了，好Q好味，D排骨蒸左成晚都唔韌仲OK滑添，個粥又鮮甜又好味，我仲成日驚佢蒸乾水，點知又多水又濃郁，D珍珠米仲令到D粥更可口咁就蒸左個黑松露蒸大元貝先啦，其實生既黑松露蒸大元貝已經好吸引又香，如果可以生食，真係想即刻食左佢。個服務員好好，全程都