蟹仙海鮮蒸氣鍋 (龍崗道)

营业中

休息中

自從屯馬綫開通左，多咗嚟九龍城呢邊食飯，呢間海鮮喺宋王臺站行出嚟非常近，門口已經有兩隻大大嘅蟹掛咗喺牌面度，離遠都望到。呢間九龍城分店裝修新淨，有卡位，每張枱與枱之間嘅空隙都好大，唔會怕同其他食客坐到好近。呢度有位女士服務員非常親切，服務態度非常好，不停介紹啲海鮮俾我哋聽，非常有耐性，令到我哋對啲海鮮嘅知識豐富咗好多。有幾好貝殼類嘅海鮮本身都非常重海水味，完全食到新鮮原汁原味，不過最推薦都係佢啲龍蝦同埋蟹，喺出邊未必食到咁靚嘅蟹。蒸海鮮嘅時間需時，不過服務員會全程幫手，最緊要記得預留多啲時間同朋友黎食。總括嚟講，餐飯都食得好開心。