Cafe Paradise (杏花邨) (已結業)

同朋友行完運動品牌outlet見有d肚餓就係附近睇下有咩好食，見到呢間門口有座旋轉木馬，又係藍白裝修幾舒服就入去食。意式香辣煙肉茄汁長通粉 $63蕃茄味濃勁郁，酸酸甜甜好開胃，加左煙肉有少少辣辣地，咸香味好正，長通粉軟硬適中，每條都充滿醬汁。水牛城雞翼 $38雞翼炸得香脆，雞肉嫩滑好多汁，加上醬汁辣辣地好惹味，店員見我地有小朋友主動問醬汁需唔需要另外上，好貼心。日式原條蒲燒鰻魚飯 $78勁大條鰻魚，超級抵，鰻魚汁好香甜，肉質鮮嫩咬咬肉。