影片
更多
2009-09-28
4 浏览
27-9-2009幾年無幫襯和民, 呢日到文化中心報到前嚟食個 late lunch.和風 pizza ($39): 朋友至愛之一, 當然要叫 一客 6 件, 餅底薄脆, 配料就有沙律醬, 燒雞, 叉燒及大量蔥, 都幾惹味, 不過我覺得叉燒同 pizza 唔多夾.牛油焗帶子 ($32): 朋友至愛之二及我的至愛之一, 當然要叫 一客 7 隻, 明顯係雪藏嘢, 主要食中間的 garlic puree, 效果都幾香口的. 不過呢碟帶子係十分油膩, 乜咁多年來都係咁 -_-"明太子芝士玉子燒 ($29): 所謂「明太子」只係少少粉紅色狀的無味 substance, 芝士就連影都無, 亦當然食唔出啦; 蛋卷就係鹹的, 不過都算軟熟, 及格又幾得意的一味.海鮮麻醬冷麵 ($47):「海鮮」有蝦, 蟹肉及(麵粉)蟹柳, 前兩者又係雪藏/急凍嘢, 意料之內, 口感味道都一般; 麻醬質地有點稀, 味道充酸酸甜甜, 比魚一丁的 (http://www.openrice.com/restaurant/commentdetail.htm?commentid=2032278) 開胃; 拉麵就唔
幾年無幫襯和民, 呢日到文化中心報到前嚟食個 late lunch.
和風 pizza ($39): 朋友至愛之一, 當然要叫 一客 6 件, 餅底薄脆, 配料就有沙律醬, 燒雞, 叉燒及大量蔥, 都幾惹味, 不過我覺得叉燒同 pizza 唔多夾.
牛油焗帶子 ($32): 朋友至愛之二及我的至愛之一, 當然要叫 一客 7 隻, 明顯係雪藏嘢, 主要食中間的 garlic puree, 效果都幾香口的. 不過呢碟帶子係十分油膩, 乜咁多年來都係咁 -_-"
明太子芝士玉子燒 ($29): 所謂「明太子」只係少少粉紅色狀的無味 substance, 芝士就連影都無, 亦當然食唔出啦; 蛋卷就係鹹的, 不過都算軟熟, 及格又幾得意的一味.
海鮮麻醬冷麵 ($47):「海鮮」有蝦, 蟹肉及(麵粉)蟹柳, 前兩者又係雪藏/急凍嘢, 意料之內, 口感味道都一般; 麻醬質地有點稀, 味道充酸酸甜甜, 比魚一丁的 (http://www.openrice.com/restaurant/commentdetail.htm?commentid=2032278) 開胃; 拉麵就唔及魚一丁的彈牙, 不過同蛋及青瓜撈埋一齊食, 都 ok 吧.
鮮蠔窩飯 ($49): 店員話要煮 20-30 分鐘, i.e. 等嗰舊酒精啫喱燒完. 呢個係最花時間「堂煮」的一味, 亦係漏單的一味, 真係... 4 隻蠔食落幾軟滑, 唔算好鮮甜; 而下面 d 飯索晒蠔汁, 就十分清甜, 黏黏的又煙韌, 幾好食 不過份量原來好大, 3-4 人 share 都得, 大家 order 的話要留意.
朋友亦叫了杯 non-alcoholic Caramel Milk Tea ($34), 好 creamy 又好 caramel, 真飽滯
我飲 Milky Green Tea ($29), 呢個好好飲 -- 抹茶 vs 奶味道約 4:6, 好滑, 正
環境都係咁, 不過衛生認真麻麻, 檯底竟然有 N 張檯之前食剩的枝豆 , 乜呢度唔掃地0架咩? 招呼亦麻麻, 除咗漏單之外, 店員們亦實在太遊魂了.
連加一每人約 $140, 估唔到質素原地踏步得咁徹底, 下次再嚟應該都要幾年之後了.
张贴
