🦪汕頭煎蠔烙 ($88)
蠔仔多到溢出來！外皮煎到金黃酥脆，裏面大大粒蠔肉，蘸少少魚露更帶出層次～潮州人嘅邪惡comfort food無誤！
🍖尚潮醬燒骨 ($88)
醬汁酸酸甜甜好開胃，仲有濃郁到黏嘴唇！表面炸一層，肉質鬆化，一啖扯開直接骨肉分離，送潮州粥真係無得頂（默默追加一碗）
🦆滷水鵝片
滷水香到癲！鵝肉嫩滑得嚟有嚼勁，滷汁完全滲入肉紋，朋友食第一啖即瞪大眼：「呢個先係真正潮州靈魂啊！」
🍲軟綿綿潮州粥
米粒煲到開花，湯底清甜帶米香，暖粒粒咁治癒！撈埋滷水汁食… 救命，真係好夾！
突然間覺得公司附近有間咁高質潮州菜，好危險…（個荷包）🤣
