影片
更多
2018-11-22
221 浏览
今日放咗工同朋友喺中環行完街，買咗一大堆聖誕裝飾準備迎接最浪漫嘅Christmas🎅🏻🎄唔經唔覺已經到咗晚飯時間，朋友推介一間係中環開業冇幾耐嘅餐廳，當佢同我講係食素嘅時候，我真係嚇咗一跳，本來心入面有啲抗拒，但朋友話呢間餐廳係西式素菜，好味又健康，咁我就抱住試新野嘅心情去Pop Vegan！行到去Soho伊近利街，見到耀眼嘅燈牌，就沿着樓梯行上一樓，終於到喇！入到店內見到好多唔同種類嘅素食產品，有dairy free芝士、dairy free曲奇等等，啱晒一眾素食人士。冇諗過睇完餐牌之後，我竟然有好多款菜式都好想試😍又想食漢堡包、又想食壽司，最後朋友幫我發板，選擇困難症嘅我就唔使諗咁多啦！餐牌上面仲有QR code，可以俾你了解下餐廳添！我叫咗一杯orange nojito，就係冇酒精嘅mojito，散發着薄荷嘅香氣，加入左香橙味道，令杯梳打飲起上嚟特別fresh。期待左好耐，吞拿魚他他終於嚟到喇。原來呢度嘅吞拿魚其實就係jelly，顏色同外型都好容易俾佢呃到，以假亂真絕對冇問題哈哈！除咗「吞拿魚」之外，仲有牛油果、芒果、火箭菜等等嘅食材，調味就用咗檸檬草醬汁，味道非常之清新又特別，
行到去Soho伊近利街，見到耀眼嘅燈牌，就沿着樓梯行上一樓，終於到喇！入到店內見到好多唔同種類嘅素食產品，有dairy free芝士、dairy free曲奇等等，啱晒一眾素食人士。
冇諗過睇完餐牌之後，我竟然有好多款菜式都好想試😍又想食漢堡包、又想食壽司，最後朋友幫我發板，選擇困難症嘅我就唔使諗咁多啦！
餐牌上面仲有QR code，可以俾你了解下餐廳添！
我叫咗一杯orange nojito，就係冇酒精嘅mojito，散發着薄荷嘅香氣，加入左香橙味道，令杯梳打飲起上嚟特別fresh。
期待左好耐，吞拿魚他他終於嚟到喇。原來呢度嘅吞拿魚其實就係jelly，顏色同外型都好容易俾佢呃到，以假亂真絕對冇問題哈哈！除咗「吞拿魚」之外，仲有牛油果、芒果、火箭菜等等嘅食材，調味就用咗檸檬草醬汁，味道非常之清新又特別，酸酸甜甜好開胃。
主菜方面，就係大大份嘅Pizza。呢個Pizza係用咗biscuit crust，十分香脆。上面鋪滿左番茄同芝士，簡簡單單嘅食材但係已經極度惹味！
之後仲有一份Tuna sushi roll。呢份壽司用嘅吞拿魚都係蒟蒻，基本上同吞拿魚他他差唔多，但係佢用咗辣辣地嘅沙律醬，個dressing將壽司嘅味道層次昇華，我同朋友都好鍾意。
如果西式素菜係咁好食的話，其實食素又有咩好怕喎？
张贴
