慈素小聚

营业中

休息中

平時我食飯就最鍾意揀啲可以打到卡嘅餐廳，因為覺得好靚，估唔到依家連食齋都有得打卡，而且佢哋嘅嘢食都非常之得意，會有三文魚，片皮鴨，叉燒刈包等等，真係好有特色。片皮鴨會有鴨，青瓜，黃椒，紅椒，同埋佢嘅醬汁，食落去非常之清新，而且脆卜卜。叉燒刈包都非常好食，佢中間嘅料有平時食開酸齋裏面紅色嘅食物，同埋有個素肉麥樂雞，好夾。另外不得不提佢嘅三文魚盤，食落去真係好似三文魚，而且仲會有Wasabi同豉油，再加上一拎出嚟係識得噴煙嘅，真係好靚，好適合打卡！