R&B (已結業)

朋友推介既餐廳就黎一試啦～頭盤叫左燒粟米同黑松露薯條。朋友話以前呢度既燒粟米係一粒粒食得好方便既，但依家就變左原條上....味道方面都ok既，啖啖都食到芝士碎，但個人都係鍾意薯條多啲，雖然係幼薯條但係炸得夠脆，無論點黑松露cream定係煙薰茄醬都好好味主菜方面既厚切豬扒係好大塊得黎又厚身既，肉質都ok唔會太硬，但係汁太少食落有啲乾身。Carbonara夠多芝士，加上佢係焗過所面頭既芝士變左係有咬口既，但係相對都會比較乾身唔夠汁。另外既shrimp & crab意粉配搭龍蝦汁好夾，蝦肉都幾多但係蟹肉都唔多食到。整體黎講用餐環境幾好但係食物就好一般同埋有啲偏貴囉。