影片
更多
2010-06-17
32 浏览
（ 重POST，唔知點解網主之前POST左出黎之後又DELETE左，求求網主唔好，我好有心機打架 , 希望其他人都可以分享到我的快樂）同老公去完 IKELA 買完電腦櫈都成九點幾，本來打算返旺角食魚巷仔魚蛋，點知走去搵102巴士站時向世貿外邊見到呢間野，老實講之前未食過，又諗住呢D日本燒肉店點都會貴，但老公死都要試，相比同類日式燒肉，餐牌價錢唔算好貴，見老公返屋企仲辛辛苦幫我整張櫈，咁一於錫晒老公膽粗粗試下。入到去無咩特別，好似一般韓燒店咁，不D枱大張少少，座位闊坐得算舒服，個爐上面有個網，同韓式鐵板唔同，唔知點解有種期待， 期待D肉會燒到好似餐牌上面D display一樣，有一格格燶左ge網紋。老公叫左雪花牛，牛肋骨肉，雞肉，雞賢，另外點左鵝肝炒飯，仲有「汁炭煮和牛舌」，牛舌係免費，因為惠顧滿300元送一客。先形容一下雪花牛，上枱時我覺得好靚，粉紅色脂肪平均分佈，有少少唔想燒左佢黎食，雖然只有數片，但一片片厚厚的，好似display咁靚，向我正在陶醉ge時候，服務員突然拎左支酒出黎，原來老公好鬼馬咁一早帶左支酒黎！死傻佬，仲係上次我話好飲0個支 chateau Leoville P
同老公去完 IKELA 買完電腦櫈都成九點幾，本來打算返旺角食魚巷仔魚蛋，點知走去搵102巴士站時向世貿外邊見到呢間野，老實講之前未食過，又諗住呢D日本燒肉店點都會貴，但老公死都要試，相比同類日式燒肉，餐牌價錢唔算好貴，見老公返屋企仲辛辛苦幫我整張櫈，咁一於錫晒老公膽粗粗試下。
入到去無咩特別，好似一般韓燒店咁，不D枱大張少少，座位闊坐得算舒服，個爐上面有個網，同韓式鐵板唔同，唔知點解有種期待， 期待D肉會燒到好似餐牌上面D display一樣，有一格格燶左ge網紋。
老公叫左雪花牛，牛肋骨肉，雞肉，雞賢，另外點左鵝肝炒飯，仲有「汁炭煮和牛舌」，牛舌係免費，因為惠顧滿300元送一客。
先形容一下雪花牛，上枱時我覺得好靚，粉紅色脂肪平均分佈，有少少唔想燒左佢黎食，雖然只有數片，但一片片厚厚的，好似display咁靚，向我正在陶醉ge時候，服務員突然拎左支酒出黎，原來老公好鬼馬咁一早帶左支酒黎！死傻佬，仲係上次我話好飲0個支 chateau Leoville Poyferre 1988， 雖然只有87分，但個人好喜歡呢支酒的性格，配紅肉更加令人
期待。老公為我泡製第一片雪花牛，這個牛十分搶火，牛入面油脂立化開，表面好光滑，老公將片牛燒左10幾秒左右即刻反轉佢再燒一陣就夾比我食，錫晒老公！入口第一個
感覺係好滑，好香，雖然牛味唔算太濃，但感覺良好，無成口油ge感覺， 值得讚係口感，軟滑同時保持得到咬口，數次咀嚼就可以將佢吞落肚，但可惜剛剛燒時個爐唔夠紅，燒唔出好似display一樣ge網紋，第二片我地等個爐再紅D先再燒，終於燒到D網網出黎，而且因為表面快熟，所以肉汁都鎖住！建議各位下次都要用猛火D燒呀！
之後又講下牛肋骨肉，呢隻肉肉味濃，但比較UN， 燒得太耐會好硬，但我自己幾鐘意食，因為好好咬，我喜歡！但老公就唔喜歡，呢D口味問題啦！最後成碟我食晒！＝D
雞肉就有少少失望，未至於難食，失望原因可能係因為之前個雪花牛好食，總會對其他都有一定期望，可惜雞肉無乜特別，而且肉質比較UN，食落似雞胸肉，不過好彩仲算
有雞味，如果連雞味都無就真係似一塊唔新鮮ge醃肉。
雞賢有少少辣，好爽口！依舊我喜歡咬口野，呢種爽到飛起ge食物對我牙關而言係好緊要！XD
鵝肝炒飯炒得幾乾身，飯一粒粒幾好食，但面頭兩片仔的鵝肝太細片，有少少「小家」感覺，味道唔錯，但我想像中覺得鵝肝炒飯係應該將鵝肝同飯炒埋一堆先好食，
而家感覺似飯還飯，鵝肝還鵝肝，份量方面夠多，其實佢地食物身份量方面真的不用置疑，因為食到呢道菜我已經飽到反轉左...
最後係「汁炭煮和牛舌」，牛舌驟眼看不像牛舌我先敢食，感覺總係好似同隻牛牛向度錫錫咁… 諗起就想嘔 +_+ ，向老公驅使下，免為其難食左少少，味道出奇地好，無左
以往食牛舌0個種臭味，反而感覺到有種甘香！雖然覺得算好食，但我都無表現比我老公睇， 因為我怕佢下次又迫我食牛舌… 但作為免費贈送的食物，睇得出管理層的誠意！
賣單先知原來今晚係老公一早訂左位黎食！古古惑惑咁，平時嘈住要搭地鐵，今次又話搭巴士，唔怪得啦！＝D 不過我覺得好sweet， 好幸福! 可能今餐個傻佬向度整古整怪，加上食物算係唔錯！所以今餐我比滿分！帶望大家以後食野都可以保持住開心，咁D野食會更好味架！
张贴