MUM 日常野菜料理 (已結業)

之前訂位，佢話只可以揀6點或7點半，我地揀7點半，點知去到7:40左右已經有4樣野售罄⋯⋯得番既選擇好少，百幾蚊既3餸飯，以新蒲崗區黎講，食物質素唔差，但性價比很低，因為份量太少了，同埋我諗大家去到都係為打卡，點知我發現冇打卡位，台凳似學生台，太細張，有點難坐，我仲見到有d位係以為放貨嘅，成個貨架咁，竟然又係座位之一？會唔會太逼😅最後，令我最難受既係，我排隊俾錢落單，到我既時候，員工話要出菜先，叫我等一陣，唔緊要，等到佢番黎，我預備叫（已講緊想食咩），隔離有個人冇排隊企係度，個店員主動問佢係咪想加野，話幫佢加左先，（其實佢若果排隊其實都只係排我後邊，點解要插隊？）我真係O曬，仲要店員同個插隊既人都毫無歉意，剩係話「我好快」，我終於明點解我想叫野時咩都冇曬，因為插隊既人可以隨時叫曬我想叫既野。間野食物質素不差，但想食物有多點選擇真係要早點到了。