影片
更多
2010-11-08
20 浏览
3-11-2010路過呢間上海店 N 次都未食過, 是日同朋友的即興 dinner 如常又去銅鑼灣, 就過嚟試試吧. 2 人叫了最常叫嗰兩款涼菜及 3 款點心, 再加一鍋 promotion 中的砂鍋餛飩雞, 食完係無一樣留下深刻印象, 不過總算穩穩陣陣吧:-醉轉彎: 醉酒汁夠香, 帶點甜味, 雞翼就浸得幾嫩滑, 皮下脂肪亦唔多, 兩者就各自各精彩. 不過又好似 so far 無喺香港食過肉嫩又要夠醉夠味的醉雞, 呢度的其實算幾好食了.鎮江肴肉: 瘦肉比例比「啫喱」高好多, 食落質地唔太實亦唔太鹹, 不過味道就唔多鮮甜; 檯上供應的鎮江醋就酸得有點攻鼻, 結果大家蘸了醉雞的酒汁同吃. 砂鍋餛飩雞: 乜咁大鍋 湯底呈米白色, 飲落火喉未夠, 不過撈吓撈吓又見金華火腿及差不多半隻雞 , 都真材實料的; 菜肉餛飩皮算薄, 包得有點 hea, 餡料就肉多過菜仲好彈牙 , 不過又無乜味道; 唯一食得晒的就係菜膽, 雖然唔多甜又唔夠腍, 不過始終係菜嘛, 多食無妨的, 哈哈. 唔算好好食 / 飲, 不過 40 幾蚊一大鍋, 質素都算係咁吧.蟹粉小籠包: 皮厚, 可幸頂部無「特
3-11-2010
路過呢間上海店 N 次都未食過, 是日同朋友的即興 dinner 如常又去銅鑼灣, 就過嚟試試吧. 2 人叫了最常叫嗰兩款涼菜及 3 款點心, 再加一鍋 promotion 中的砂鍋餛飩雞, 食完係無一樣留下深刻印象, 不過總算穩穩陣陣吧:-
醉轉彎: 醉酒汁夠香, 帶點甜味, 雞翼就浸得幾嫩滑, 皮下脂肪亦唔多, 兩者就各自各精彩. 不過又好似 so far 無喺香港食過肉嫩又要夠醉夠味的醉雞, 呢度的其實算幾好食了.
鎮江肴肉: 瘦肉比例比「啫喱」高好多, 食落質地唔太實亦唔太鹹, 不過味道就唔多鮮甜; 檯上供應的鎮江醋就酸得有點攻鼻, 結果大家蘸了醉雞的酒汁同吃.
砂鍋餛飩雞: 乜咁大鍋 湯底呈米白色, 飲落火喉未夠, 不過撈吓撈吓又見金華火腿及差不多半隻雞 , 都真材實料的; 菜肉餛飩皮算薄, 包得有點 hea, 餡料就肉多過菜仲好彈牙 , 不過又無乜味道; 唯一食得晒的就係菜膽, 雖然唔多甜又唔夠腍, 不過始終係菜嘛, 多食無妨的, 哈哈. 唔算好好食 / 飲, 不過 40 幾蚊一大鍋, 質素都算係咁吧.
蟹粉小籠包: 皮厚, 可幸頂部無「特別多粉」的情況出現; 湯汁不少, 味道就較淡; 餡料係大量豬肉 + 少量蟹黃, 食落質地彈牙 (!?!?) 但實在幾腥, 早知食「普通版」就算.
蒸銀絲卷: 頭尾嗰兩件同普通饅頭無乜分別, 中間嗰兩件則「絲」唔晒, 不過熱辣辣夠鬆軟, 帶麵粉香又微甜, 再蘸埋煉奶, 無可能唔好食吧.
蒸素菜餃: 餃皮煙煙韌韌, 菜絲, 冬菇 etc 剁得幼細, 食落又香又清爽, 真想整多籠.
食物可以, 地方乾淨企理, 店員們雖然唔算十分好禮貌, 但至少有求必應的, 配套都 ok 吧.
埋單每人約 $125, 唔係特別貴, 整體亦無佢旺角店的食評講到咁惡劣, 不過既然俾多約 30 蚊就已經食到鼎泰豐 (http://www.openrice.com/restaurant/commentdetail.htm?commentid=2072874), 呢間應該唔會再來了.
张贴
