雪ノ下 (已結業)

唔少日本pancake都嚟左香港開店，銅鑼灣都有好多間，呢間雪ノ下都係其中一間新開，而家仲係試業階段。佢以厚燒pancake同刨冰出名，pancake最出名係橘子蜂蜜pancake，厚4cm，不過小編鐘情於抹茶，所以先試左抹茶pancake，以京都宇治抹茶粉係重點，上面仲有北海道紅豆及京都黑豆，抹茶味香，但唔算濃，有厚pancake既空氣感，附上既抹茶醬係極品，超濃，濃到少少澀，配合住pancake係一流享受😋由於有每人最低消費$50，另外叫左一杯抹茶奶，無驚喜而且失望，成個杯已經唔大，又唔係倒滿，奇奇怪怪，張相就係一送黎就影，無飲過，仲要有好多冰，第一啖都仲有少少抹茶味，之後冰融了，就唔知飲緊d咩，建議試返呢間店出名既食物就算喇。