釜之魂釜飯專門店 (淘大商場) (已結業)

睇戲前來這間餐廳食晚飯，俾鰻魚吸引左，當然要叫鰻魚啦！再叫左沙律、玉子串、牛舌釜飯同吉列牛舌。飯可以加錢變set,就有前菜，味噌場，中規中矩冇咩特別。白魚脆脆沙律，有好多白魚，食物既原味都係幾好，但都係冇咩特別啦🤣🤣黑松露玉子串（$18/串），黑松露味好濃，但燒玉子本身個調味太甜，夾埋一齊就有啲搞笑，但整體都係ok既！吉列牛舌（$18/串）本身我覺得牛舌攞去做吉列係冇咩期望，但佢又有啲驚喜，有少少厚身，有咬口，點埋個醬係幾好。牛舌釜飯既牛舌比吉列既薄，冇燒到超熟，有少少紅色，不過因為咁而口感唔會太un，加埋個醬汁都幾好味。終於都講重頭戲 - 鰻魚釜飯啦！佢有金銀兩款揀，金就係蒲燒，銀係白燒，我地就揀左蒲燒，同埋揀左三個入面最貴，寫話係最厚身既選擇（$118）。來到大家都好驚嘆，因為比平時食既鰻魚真係厚身好多，而且係橫過左個碗，感覺好大塊！剩係size都覺抵返，平時一碗冇咩特別既鰻魚飯都差不多一百蚊碗啦！！加上個人認為蒲燒鰻魚係冇得輸。所以大家都好滿意😆😆朋友加錢叫左呢杯特飲，叫purple power，有紫薯藍莓香蕉⋯⋯等。我都唔太記得😂好似寫左好多野，但飲落係得香蕉味，同少少紫薯味。