正潮樓 (中國太平大廈第一期)

营业中

休息中

今晚想食潮州菜，「正潮樓」開咗在銅鑼灣利園五期地下，傳統飯店風格，裝修雅致，光猛整齊，有私人房。菜式傳統，可預訂大菜，晚市特價晚餐性價比高，厚菇焗鮑魚如果散點要過四佰，現在$488/位套餐仲有三味。我哋點了川椒雞頸肉、生醃海蝦、潮式炸蝦棗。先來一啲功夫茶，唔算太濃太苦，飲落舒服。鐘意食鮑魚及厚花菇，厚菇焗鮑魚呢個組合啱晒我，正呀！充滿膠質的醬汁豐富，鮑魚滑溜柔軟有彈性，口感非常好！厚菇吸汁，入口爆出。川椒雞頸肉即係串燒雞嘅做法，味道濃郁，雞肉又嫩，非常好。咁粗粗食生醃海蝦甜甜地，一人有三隻，好嫩，有啲蔥有啲醋，中式刺身都好食。潮式炸蝦棗只有兩粒，但結實鮮味，配埋真好味。