大樹燒烤 (已結業)

厚福街嘢食都係人都知，原來而家重新開左一間燒烤店～叫大樹燒烤！😎呢間燒烤店嘅嘢食選擇豐富，品種應有盡有。最鍾意嘅燒烤嘢食當然唔少得係燒茄子，呢度嘅茄子好大碌，再加上好多蒜蓉，令到個茄子燒得勁香。特別抵讚嘅喺呢度仲會喺枱上面擺放額外嘅孜然粉同埋辣椒粉，俾大家再到調味到最啱自己嘅口味！ 😆另外佢呢度嘅肉類，燒得都好唔錯。我基本上咩都叫咗小小嘅試吓，有豬有牛有魷魚雞皮。食得出呢度嘅食物都幾新鮮吓，而且調味啱啱好，唔會太鹹，又燒得幾香！當中，我最鍾意就係魷魚，佢係非常之彈牙，辣味十足。而佢嘅雞皮都蒸得非常之香口，油脂味好濃！😋估佢唔到嘅喺呢度仲有鴨血粉絲食，鴨血冇腥味，幾彈牙好唔錯！佢嘅蒜蓉金菇仲有鍋烘熱，嗒嗒都食到香辣嘅味道～整體嚟講呢間燒烤店嘢食都幾出色，而且食物質素幾好又抵食！