御八甜品 (已結業)

去尖沙咀食甜品，通常都係厚福街，呢晚行過先知原來呢度開咗間甜品舖，隔離就係間專賣水果甜點嘅小店。

呢間就中式西式嘅都有，先嚟一個中式啲嘅楊枝金露，有齊一般楊枝金露嘅材料，芒果，金柚，西米等 ..... 但竟然有驚喜，用咗芒果沙冰做底，真係第一次見，食落好透心涼，啱哂炎熱嘅夏天 !!!!!!

另一個就揀咗似日式嘅紅豆雪米奶凍，奶凍上鋪滿煲過嘅大大粒紅豆，再加一件香芋雪米磁，有新意。果然煲過嘅紅豆唔同啲，特別香甜，如果整體再凍啲就更正喇 !!!