御八甜品 (已結業)

行過見到有中式傳統糖水又有港式糖水食，一於就試吓先啦！係香港好難得會搵到有得食中式糖水既鋪頭，仲要款式夠多選擇！一入到去感覺好乾淨諗咗一輪，決定凍既熱既甜品都叫啲試試，我地叫咗熱芝麻糊、香芒小丸子、熱椰皇燉蛋白、玫瑰荔枝綿綿冰食～～熱芝麻糊 一拎到黎係超級勁香，好滑熱食好好食甜度適中👍👍香芒小丸子芒果同小丸子分量都夠，芒果夠酸甜酸甜，小丸子好煙韌，芒果沙冰應該係芒果肉打既，所以食落去好有芒果香味，同埋唔會死甜，甜度岩岩好玫瑰荔枝綿綿冰好有荔枝味，同埋個冰唔會太甜，口味較清新，撈埋啲椰果食又幾搭喎中式同港式糖水都一樣唔錯，下次想再黎試埋其他糖水，如果中意食傳統糖水，呢間係唔錯既選擇！！尖沙咀黎講價錢唔算貴坐得又舒服，加上食物唔錯，值得一試～～😍😍#超近好鐵站，又近買熊熊餅乾～…查看更多

一心諗住食中式糖水，喺尖沙咀一路行一路睇下有冇邊間有朋友仔一見到門口有中式糖水公仔水牌就你三七21衝入去😅又真係啱啱有位😂菅野應該做遊客生意，好多訊息但你的意見想食中式因為天氣好啲凍。朋友叫左燉鮮奶，奶味OK都幾滑我就叫咗合桃糊加湯圓，合桃糊點樣都好食過上次嗰間（詳情另一食評慘不忍睹）不過都係做開遊客生意加$10湯圓得兩粒😑幅圖好滑（雖然都係粉開唔係生磨架喇，至少唔會甜到爆又唔會杰到膠水咁啲枱密，隔離枱個港女全程講嘢超大聲🤷🏻‍♀️我朋友喺隔離我都要吓？咩話⋯⋯耳仔好辛苦…查看更多

夜晚11點15左右入店，無講到收工咁自然坐低就會叫野食，d野食黎齊晒到11:30就同我地講可以食到11:45分，11:35分就有個女職員行埋黎話：食快d啦唔好阻住人地收工咁我同佢地講未夠45分喎，另一個女職員就話：所以比你地食到45分 其實我地收30分，不過你地都無下次黎。趕客走勁無禮貌！！！！！！食佢個腐竹雞蛋係水黎既，芝麻糊都有芝麻香但太都好水唔會再有下次幫襯，如你地所願…查看更多

利申我從來都唔寫食評”好走腳好方便左入間野，舖名叫御八甜品，舖內貼住一張大良八記剪報別有心思，別有洞天。老牌糖水？既剪報？四條友柴娃娃話都唔會太伏既，最多咪當去酒樓食左個綠豆沙囉，點知係好有驚喜。每人一定要叫一個糖水，都make sense既我覺得，嘩花光眼亂，選擇困難揀黎揀去無從入手，格硬只係叫四個啦四個人呀嘛，太震驚既關係有兩個食前都無影相無諗住會寫食評，反正一個就係懷疑想show off 刀工既朱古力布甸($40)，香蕉切成力工每片2mm, 大概10片特顯價值，一個入面啲涼粉好有童真，應該扮緊泥膠頭髮($47)，另一個燉蛋亦好貼心，怕燉得乾，比多碗水你保充水份($56)，我地揀第四個諗左好耐，真係下次叫埋媽咪黎孝順佢，叫鮮雜果($48)林同爛既程度絕對老少咸宜，老人家大愛。我唔多講，正呀，絕對係遊客之選。…查看更多

只能講一句真係好失望 我從來都冇食過啲咁難食嘅甜品 份量小不在話下 賣相差 我真係見到都反胃 又難食又貴 點解咁都生存到 我唔會再嚟 希望大家唔會中伏 宜家諗返起都打冷震 建議大家唔好咁懶 行多兩步去返九龍城食…查看更多

聖誕節的晚上從油麻地走到尖沙咀的街道上趁熱鬧，但沿途見遊人多、聖誕燈飾少之又少，本想到1881和海港城逛逛，但行到半島酒店已經人頭湧湧，摩肩接踵好不熱鬧，我只好轉行反方向的尖東方向，行行吓，行到「御八甜品」，便入內吃碗湯圓$29和芝麻糊$29，順便休息吓和歇一歇腳。湯圓皮很綿糯，芝麻饀又香甜，皮薄饀靚，加上薑香的糖水，很完美！芝麻糊甜度合宜，有芝麻香氣，頗不錯！食糖水當宵夜，食完糖水就打道回府了！…查看更多

好難食，用最低成本，高收費！幾十蚊一個糖水、真係比糖+水比人食、仲要用一啲好差嘅糖有一浸味，吾會再食！超級極度無敵難食，朋友食咗個紅豆沙水多個啲紅豆，腐竹糖水$32 就係水加一塊塊腐竹薏米又冇白果又冇，最貴嗰個耶皇王蛋白$56 都係無一幸免😨🤮蛋白得個小小啲糖水係一陣好差既糖去整，一陣味（好似d香精味）未試過加唔難食，所以要即刻係OpenRice俾劣評，為免大家都中招！如果大家唔信就可以去試吓有幾難食la~…查看更多

第一次寫openrice食評。原因是第一次去食糖水俾人叫去埋單走人。我同朋友各自叫左碗中式糖水食。味道一般。我朋友食完個碗即收走，我未食完，轉頭就聽到有個水吧/夥伴話「食左咁耐都未食完」。再過一陣子，夥計又過來睇單。之後我食完，個碗又即被收走，然後就俾佢地叫左去埋單。前後入來坐左一小時也沒有。重點係成間餐廳仲有好多空枱大把位！出面又無人排隊！！洗唔洗咁既態度？！去食糖水都係想坐係度同朋友吹水開開心心，呢係真是好掃興！如果係要個客食完即走/幾時前要還枱請一入門講清楚，等個客決定入唔入去食。…查看更多

去尖沙咀食甜品，通常都係厚福街，呢晚行過先知原來呢度開咗間甜品舖，隔離就係間專賣水果甜點嘅小店。呢間就中式西式嘅都有，先嚟一個中式啲嘅楊枝金露，有齊一般楊枝金露嘅材料，芒果，金柚，西米等 ..... 但竟然有驚喜，用咗芒果沙冰做底，真係第一次見，食落好透心涼，啱哂炎熱嘅夏天 !!!!!!另一個就揀咗似日式嘅紅豆雪米奶凍，奶凍上鋪滿煲過嘅大大粒紅豆，再加一件香芋雪米磁，有新意。果然煲過嘅紅豆唔同啲，特別香甜，如果整體再凍啲就更正喇 !!!…查看更多

早收工同朋友去食糖水，路邊發現呢間甜品店，唔洗等位，睇餐牌感覺好似好好味，就決定係呢間甜品店食糖水。店員帶我地到其中一張二人枱坐低，之後都未夠三分鐘，店員叫我地去第二張枱坐，因為門口有8位等緊。咁我同朋友都唔介意嘅，因為旁邊還有張四人枱係吉嘅冇人坐，合拼埋一齊可以坐。於是我同朋友調去近門口嘅一張四人枱。嗌完野食之後，店員又同隔離枱嘅內地客人講，食快小小，出邊有6個人係度等緊位。我聽完....非常詫異，叫個客食快小小，呢d咁嘅說話都講得出，真係第一次聽到，離譜！未夠1分鐘，隔離枱嘅幾個內地客人真係埋單離開。個同事又叫另兩個內地客調枱，因為出邊有客人等緊位。兩位內地客人於是坐係我地張枱，睇佐一陣餐牌，於是決定離開，因為店員嘅安排實在太差了。經常叫客人調枱，又叫人食快D埋單走。然後出邊等緊位嘅6個人即刻入黎坐低。未夠5分鐘，突然聽到廚房果邊有個水bar嘅員工大鬧，食完咁耐又唔埋單離開，坐係度等金執啊⋯⋯類似咁樣嘅說話，講得十分難聽，而且非常大聲，門口都聽到佢係度鬧人！就見到一位女士拎住張單，行去收銀台，同個收銀嘅同事講，叫佢睇睇落單時間，依家幾點，食佐幾耐時間，究竟可以食幾耐時間。個男店員都有一一作答。個女士8:47分落單，9:20被逼趕走離開。其實半個鐘咁上下嘅時間。我就望一望張單，上邊有寫繁忙時間享用時間為30分鐘，非繁忙時間為60分鐘。再睇下我朋友，佢10分鐘就食完，我仲慢慢食緊。我問朋友，你估個店員會唔會叫你走，因為你已經食完。又問朋友，你估店員會唔會再次叫我地調位走，俾出邊等位嘅客人坐。唉。我好明白尖沙嘴人多地方狹窄，做生意唔容易。但咁樣嘅服務態度，咁樣嘅安排真係唔得掂。就算你D甜品幾好味都冇用，咁樣嘅服務態度唔會再幫襯第二次。:(點解做生意會做到好似佢地咁....短短20分鐘，發生佐咁多令人難以置信和難以接受嘅事實，以後都唔會再黎呢間。快快食完快快埋單走人算吧！唔想再坐多一分一秒，費事無端端被人鬧同趕走影響心情。…查看更多

夜晚9點幾行過無咩人所以入去試下，店內每人最低消費一客糖水，所以同同行友人叫左4樣。榴連甜品，全靠pat榴連醬，下面個層係冰，無特別。楊枝甘露食唔到芒果味，成碗只食到荔枝味既蒟蒻。椰皇燉蛋白呢個已經算唔錯，蛋白夠熱夠滑仲有椰香味。紅豆芋圓一般。…查看更多

趁住放假同朋友去食好西，今次朋友帶我黎依間甜品鋪。依間地方位置夠大夠哂闊落，唔洗同身邊既人痴埋一齊，食飯時間都有幾枱客。甜品種類多多，真係要諗多兩諗先揀到。最後同朋友選左2款，凍喳咋（$31）同香芒小丸子（$42）加雪糕（$8）。凍喳咋-好足料，勁多豆，又有芋頭同蓮子，仲要數量都唔少，D豆煮到粉得黎又唔會煲到爆哂得D殻，成粒成粒有得咬吓，值得推薦。香芒小丸子加雪糕-芒果肉酸酸甜甜，小丸子無咩特別，同芒果沙冰一齊食，揀直透心涼。今次係呢間糖水鋪食得相當滿意，價錢合理，食物質素又高，糖水甜品都出得好快，環境乾淨，服務態度都唔錯。…查看更多

紅豆雪米奶凍 紅豆份量好多，多到遮滿成個奶凍，側邊仲有兩舊紅豆味既雪米，紅豆粒好好味，夠淋夠粉，同奶凍一齊食啱啱好，雪米應該都係街買既唔講咁多，我自己都比較中意食綠綠無窮 賣相靚，綠茶凍，綠茶味重，另外本身以為係啫喱，但咬口係有啲煙韌，幾特別，比啫喱既口感仲好，紅豆上面講咗，其他無咩特別一個紅豆控一個抹茶控搵到多一個可以落腳既甜品鋪啦，下次想試埋紅豆同抹茶既甜品，鋪頭乾淨，啲位又住得舒服，下次一定會再黎幫襯㗎…查看更多

第一次食到咁既芒果布甸比茶樓既仲難食...一來同menu張相差超遠，d芒果得返幾粒，menu好大片的(算，咁可以話圖片只供參考)但個布甸...無味既一d芒果味都無，得dd奶味，我仲以為俾錯奶凍我...仲要30幾蚊唔會再去...…查看更多

本來同朋友行去厚福街搵甜品食，咁岩行過呢條街，今次發現呢條街多咗幾間餐廳同甜品店，最後我地揀咗呢間價錢適中既甜品店:)店內大概有四十個座位，又有幾張卡位，枱與枱之間都唔會覺得好迫，加上店內以淺黃色為主，感覺好舒服。可能個陣9點左右，所以唔洗等，就有得入座啦！對於選擇困難既我見到個餐牌入面有好多選擇，有中式糖水、燉蛋、芒果小丸子、榴連、綿綿冰⋯⋯真係樣樣都想叫泥食。天氣咁熱，我地兩個叫咗士多啤梨綿綿冰($50)同宇治金時($53)兩個都係冰士多啤梨冰竟然有驚喜啲冰入面有一片片既士多啤梨果肉我估應該係成粒士多啤梨同啲冰一齊片出黎，果然一分錢一分貨宇治金時 個冰唔會得個甜字，而且綠茶味濃加上煉奶分量唔多，唔會搶哂啲綠茶味，唔似有啲鋪頭加勁多煉奶，冚哂啲綠茶味，綠茶雪糕不過不失，正常貨色啦！食物味道合格，地方夠大，座位多，唔想再排隊等位的話，推薦大家泥呢間糖水鋪試試係尖沙咀食糖水終於可以多個選擇啦最衰掛住食唔記得影相，下次食再影啦！…查看更多