船皇 (厚福街) (已結業)

疫情至今已經六個月，仲有零星本地個案， 令到人都癲 ，被困係香港，真係好想去旅行， 尤其掛住泰國同日本唯有瘋狂食泰菜同埋日本菜解鄉愁。買完護膚品出血後，就去咗位於厚福街， 一間泰國有五十幾幾間分店嘅船皇。 兩個人叫咗兩碗 麵，另加一杯泰式奶茶(碗上)同埋三個串燒。老公叫了和牛湯麵，小辣，金邊粉；我點了船皇撈麵。傳統船皇蛋麵有牛腩，牛肉片及牛丸，配菜有莞茜，豆芽另加泰式香料， 撈麵味道更濃 適合鍾意食濃味的我，老公的金邊粉湯麵，沒有了牛肉片，牛丸，換了和牛， 少了傳統泰國嘅感覺，但更高級， 牛肉更鮮嫩。小食點咗牛舌 牛柳粒，魚餅串， 配以泰式燒烤醬， 即叫即燒所以要等耐少少， 但價錢十分實惠。 牛舌爽口， 牛柳粒鮮嫩juicy, 魚餅串好香 檸檬葉味道， 都係15至18蚊一串，好抵食。食完更加懷念去泰國旅行，希望疫情快啲過去， 每個人都可以回復返本來嘅生活。